TOP

Nankabirwa atonedde eddwaaliro ly’e Bukomero ambyulensi

By Musasi wa Bukedde

Added 9th May 2019

Abakyala b'e Bukomero bawomnye okuzaalira ku kkubo omubaka waabwe Ruth Nankabirwa bw'abagulidde ambyulensi okubatambuzanga nga batuusizza okuzaala.

Kbg2webuse 703x422

Abakulembeze b'e Kiboga nga bali n'omubaka Ruth Nankabirwa (mu gomesi n'ektambaala ekya kyenvu) addiriddwa minisita w'ebyobusuubuzi n'amakolero Amelia Kyambadde n'akulira abakyala mu NRM Lydia Wanyoto nga batongoza ambyulensi Nankabirwa gye yawadde eddwaaliro ly'e Bukomero.

Bya Paul Kakande

Oluvannyuma lw’ekiseera ng’eddwaaliro lya Bukomero Health Center IV teririna mmotoka etambuza balwadde, omubaka omukyala ow’e Kiboga era Nampala wa Gavumenti mu Palamenti Ruth Nankabirwa Sentamu adduukiridde omulanga gwa Bannakiboga n’emmotoka ya ambulensi eyambe mu kutambuza  abalwadde okuva mu bitundu eby’enjawulo okubatwala ku ddwaaliro ku bwereere ate n’okubaggya e Bukomero okubongerayo ssinga wanaabangawo obwetaavu.

Nankabirwa mmotoka eno yagyanjulidde ku mukolo gw’abakyala ogwabadde e Kiboga kwe baajagulizza olunaku lwabwe.

 mbyulensi eyatoneddwa omubaka ankabirwa bwefaanana Ambyulensi eyatoneddwa omubaka Nankabirwa bwefaanana

 Yategeezezza nti, ambyulensi eno egenda kusinga kukola ku kutambuza abakyala abagenda okuzaala kubanga be basinga okusanga obuzibu obunene obw’entambula era omuwendo gw’abakyala abakosebwa oluusi ne bafuna n’obuzibu obw’amaanyi nga batambuzibwa ku bodaboda gubadde gweyongedde.

“Ng’omukyala ate omuzadde kibadde kinnuma okuwulira nti waliwo omukyala eyafunye obuzibu ng’azaala olw’okulwawo okutuuka mu ddwaaliro. Kye nva nasazeewo eddwaaliro lyaffe ery’e Bukomero okuligulira ambyulensi eno eyambeko nga bwe tulinda Gavumenti okutwongera emmotoka endala.” Nankabirwa yagambye nti, agenda kufuba okulaba nga n’amalwaliro amalala agatalina ambyulensi nga ery’e Muwanga ne mu Ddwaniro nago gafuna emmotoka nga emu ku nteekateeka ze ez’okulaba ng’atumbula ebyobulamu mu disitulikiti y’e Kiboga.

More From The Author

Emboozi z’omuwandiisi endala

Emboozi endala

Npc03webuse 220x290

Abavubuka bayambibwe mu byobulamu...

Abavubuka basaana bayambibwe mu byobulamu basobole okwekuuma, okwejjanjabisa n'okumanyisibwa ebikwata ku byobulamu...

Coffeetree1webuse 220x290

Alina omusaayi omutono muwe amazzi...

Atalina musaayi kozesa bikoola bya mmwaanyi ofune ogukumala

Camavingajpg111 220x290

Ttiimu za Premier 3 ziswamye musaayimuto...

Camavinga, wa myaka 16 era ttiimu za Premier zigamba nti akacanga nga Paul Pogba.

Ssuubikazimba 220x290

Abakrisitaayo balabuddwa okulwa...

ABAKRISTAAYO balabuddwa okukomya okumala obudde bwonna mu masinzizo nga balindirira Katonda okubakolera ebyewuunyo...

Mbvsmpindi1web002web 220x290

Abembogo beewaanye bwe bagenda...

ABAWAGIZI n'abakungu be Mbogo beewanye nti "omunene asigala munene" oluvanyuma lwokukuba Empindi ggoolo 3-0 mu...