TOP

Kw'olabira amaaso ageetaaga okujjanjabwa omusawo

By Musasi wa Bukedde

Added 19th July 2019

Kebeza amaaso go buli mwaka okutangira obuzibu okusajjuka ssinga gabeera malwadde

Eyeclinicwebuse 703x422

Omusawo ng'akebera amaaso g'omwana

Bya Norah Mutesi 

Oluusi amaaso gakusiiwa n’ogatakula, tosobola kulengera bintu ebikuli ewala? Ako kabonero akalaga nti, amaaso go galina obuzibu bwe weetaaga okutwala ew’omusawo okukujjanjaba.

By’olina okukola okukuuma amaaso go nga malamu

Dr. Febin Keloth Moidu, omukugu w’amaaso ku Dr. Agarwal’s Eye Hospital mu Kampala, agamba nti fuba okulaba nga w’osomera ebitabo byo, ekitangaala ekiriwo kimala bulungi, nga si kya maanyi ate nga si kitono.

 musawo ngagezesa omulwadde okulaba oba asobola okusoma obulungi ennukuta Omusawo ng'agezesa omulwadde okulaba oba asobola okusoma obulungi ennukuta

 

Moidu agattako nti, oteekeddwa okwambala gaalubindi eziziyiza amaaso okukubibwamu omusana, era nga gaalubindi ezo baziyita ‘Antiglare glasses’.

Alabula obutatakula maaso naddala ssinga gakusiiwa ekisusse, wabula ganaabe n’amazzi agatukula, bwe gagaana okutereera genda mu ddwaaliro okeberebwe.

 Jackie Lalam, naye owa Dr. Agarwal’s Eye Hospital agamba nti,  toteekeddwa kumala bbanga ddene ku kompyuta oba ku ttivvi kubanga ekyo kigalwaza.

 mulwadde ngapimibwa amaaso okufuna gaalubindi Omulwadde ng'apimibwa amaaso okufuna gaalubindi

 

“Temereza amaaso go buli luvannyuma lw’obutikitiki 20 kigakuume nga malamu bulungi kuba olwo obeera ogakozesa dduyiro,” Lalam bw’agamba.

Samuel Kirabo, akolera ku Dr. Agarwal’s eye hospital agamba nti kirungi abantu okunywa buli lunaku n’enva endiirwa nga nnakati, era nakyo kiyambe amaaso okubeera amalamu.

Kirabo akubiriza abantu abali wakati w’emyaka 40 n’okudda waggulu okugendanga okwekebeza amaaso omulundi gumu buli mwaka okugatangira okusajjuka ssinga gabeera galwadde.

 

More From The Author

Emboozi z’omuwandiisi endala

Emboozi endala

Got2 220x290

Obadde okimanyi nti butto w’ekisubi...

Obadde okimanyi nti butto w’ekisubi akola ku musujja mu bantu, enkoko n’ebisolo ? Soma wano mu mboozi y'omukenkufu...

Lab2 220x290

Bawadde endowooza ku Ssemateeka...

Bawadde endowooza ku Ssemateeka

Kcca1 220x290

Mutebi awawudde abazannyi be

Lwokutaano, KCCA yeetegekera kuddiηηana ne African Stars ey'e Namibia, mu CAF Champions League e Lugogo. Mu gwasooka,...

Aviv 220x290

Aviv akubye ku mattu

Aviv, eyamenyekera mu kutendekebwa mu Amerika omwezi oguwedde wabula kati ali mu mbeera nnungi ng’era empaka za...

Kip2 220x290

Kkooti ewadde Lukwago obukadde...

Kkooti ewadde Lukwago obukadde 600