TOP

Abadde afera abatuuze b'e Kayunga ng'abajjanjaba bamukutte

By Saul Wokulira

Added 9th September 2019

Omusajja abadde yeeyita omusawo nga teyabusomerera n'ajjanjaba abantu ekivuddeko abamu okufa poliisi emukutte

Isikonelsoneyeyitadokitangabamutaddekumpingubamulinnyisakabangaliekifsaulwokulirawebuse 703x422

Isiko ku mpingu ng'alinnyisibwa mmotoka ya poliisi

Bya Saul Wokulira  

Omusajja aludde ng’awuddiisa abalwadde ne yeeyita dokita poliisi e Kayunga emugombyemu obwala.

Nelson Isiko 40, yakola akalwaliro ak’ekimpatiira mu Kabuga k’e Nkokonjeru mu ggombolola y’e Kitimbwa mu disitulikiti y’e Kayunga mw’abbira abantu nga yeeyita dokita era kigambibwa nti, bangi bafiiridde mu mikono gye.

Akulira ebyobulamu mu disitulikiti y’e Kayunga, Patrick Osironi yagambye nti, Isiko awuddiisa abalwadde ne batagenda mu ddwaaliro lya gavumenti ery’e Nkokonjeru olwo ye n’abatwala mu kalwaliro ke okubajjanjaba abamu ne bafa ate abalala bakimanya luvannyuma nti mufere ne bagenda mu malwaliro amalala okujjanjabibwa.

Isiko yaggaliddwa mu kaduukulu ka poliisi e Kayunga era nga talina mpapula ez’obuyigirize ne layisinsi emukkiriza okukola obusawo ate abuzaabuza abalwadde n’abawugula okubaggya ku kituufu.

Isiko mu kwerwanako yategeezezza Bukedde nti, alina essuubi okuddayo asome wabula abadde tannaba kufuna ssente ate ku kya layisinsi waliwo mukwano gwe eyamufera n’amuwa layisinsi y’abasawo ab’ekinnansi.

Akulira bambega ba poliisi e Kayunga, Isaac Mugera yagambye nti Isiko baamugguddeko emisango omuli ogw’okweyita ky’atali kubanga yeeyita musawo ate nga talina biwandiiko bya buyigirize, ogw’obutaba na layisinsi n’emirala era bamutwala mu kkooti avunaanibwe.

More From The Author

Emboozi z’omuwandiisi endala

Emboozi endala

Kkooti1 220x290

Poliisi eremeddwa okutwala fayiro...

POLIISI eremeddwa okutwala fayiro eriko omusango gw’okutemula eyali omwogezi wa poliisi, Andrew Felix Kaweesi mu...

Luwum 220x290

Abattakisi beegugunze olw’okuggala...

ABAGOBA ba takisi mu ppaaka enkadde abakozesa omulyango oguli ku Luwum Street bavudde mu mbeera ne bateeka akaziko...

Namanve 220x290

Ab’e Namanve balaajanidde ab’ekitongole...

ABATUUZE b’e Namanve (Kireku leerwe) abali ku ttaka ly’ekitebe ky’eggaali y’omukka, balaajana oluvannyuma lw’ekitongole...

Remassebunnya 220x290

Eyeekiika mu bba wa Rema aggyeeyo...

OMUSAJJA eyavaayo ne yeesimba mu bba wa Rema, abamu kye baataputa ng’ayagala okugootaanya emikolo gy’okwanjula,...

Brian 220x290

Mukula atutte Bryan White mu kkooti...

BRYAN White, ebibye bibi. Kkampuni ya Capt. Mike Mukula emututte mu kkooti lwa kumuguza mmotoka ku doola 120,000...