TOP

Omwana azuulibwa ddi ng'alina akawuka?

By Ruth Nazziwa

Added 7th November 2019

Omwana azaalibwa maama alina akawuka alina okukeberebwa okutuusa ku myezi 24 okukakasa nga ddala talina kawuka

Breastfeedingwebuse 703x422

Omusawo ng'annyonnyola omukyala ku ndiisa y'abaana

Bwe nzaala omwana, muzzaayo mu bbanga ki okumukebera akawuka ka siriimu?

Omukugu mu kukebera n’okubudaabuda abalina akawuka ka siriimu ku Taso e Ntebe, Pamela Irene Nakato annyonnyola nti, omwana bw’aweza emyezi mukaaga, muzzeeyo mu ddwaaliro bamukebere siriimu ng’omusawo bw’aba akulagaanyizza. Olw’okuba maama w’omwana olina akawuka, emikisa gy’okusiiga omwana wo obulwadde buno gibeera waggulu naddala nga togoberera bulungi biragiro bya basawo.

Kikulu okukebeza omwana akawuka ka siriimu ng’akyali muto, kikusobozese okutegeera amangu obulamu bwe bwe buyimiridde ku nsonga z’akawuka. Bw’okizuula nga yakafuna omutandisa ku bujjanjabi bw’eddagala eriweweeza ku kawuka ka siriimu ng’omusawo bw’aba akulung’amizza.

Era olina okuddayo mu ddwaaliro buli luvannyuma lw’omwezi  okutuusa ng’omwana awezezza emyezi mukaaga n’oluvannyuma otandika okumuzzaayo buli luvannyuma lwa myezi esatu okutuusa ng’awezezza emyezi 24.

Jjukira omwana omu ku baana babiri abalina akawuka oba ebitundu 50 ku buli 100 afa nga tannaweza myaka ebiri ssinga tafuna bujjanjabi.

Naye ssinga kizuulibwa ng’omwana wo mulamu bulungi, genda mu maaso n’okumuyonsa okutuusa ng’awezezza emyezi mukaaga.

Oluvannyuma lw’ekiseera ekyo, mugabirire bulungi n’okweyongera okulaba omusawo ku nsonga ez’enjawulo ng’omusawo bw’aba akulagidde.

 

More From The Author

Emboozi z’omuwandiisi endala

Emboozi endala

Coronavirus2 220x290

Engeri Corona gy’akyusizza enkola...

MU kiseera kino buli muntu amaze okuloza ku bulumi bwa Corona. Ebyenfuna by’amawanga gonna bisannyaladde olwa Corona....

Nonya 220x290

Tunoonya abakyala abalina kebeekoledde...

Nneetaaga omukyala omukkakkamu, alabika bulungi, alina empisa okuva ku myaka 18 ne 28 omwetegefu okwekebeza omusaayi....

Lumba 220x290

Ekisenge ky’ekikomera kigwiiridde...

FFAMIRE ya bantu mwenda yasimattuse okufiira mu nju mwe baabadde beebase ekisenge ky’ekikomera kya kalina ebaliraanye...

Baana1 220x290

Byotalina kusuulirira ku mwana...

Omuzadde buli mutendera omwana gw’atuukako mu kukula kwe olina okwogerako naye.

Jjemba1 220x290

Omuyimbi Jjemba landiroodi amugoba...

OMUYIMBI omuto eyavuganya Fred Ssebatta, Vincent Segawa, Silvester Busuulwa, Mathias Walukagga, n’abalala mu mpaka...