TOP
  • Home
  • Buganda
  • Mmengo eyagala ekya Federo kissibwe mu Ssemateeka

Mmengo eyagala ekya Federo kissibwe mu Ssemateeka

By Dickson Kulumba

Added 13th February 2016

Omumyuka owookusatu owa Katikkiro wa Buganda, Apollo Makubuya nga ye ssentebe w’akakiiko ka Mmengo akapya akakola ku nsonga eno, yagambye nti baagala abeesimbyewo boogere we bayimiridde ku nsonga eno.

Federo1 703x422

Omumyuka owookusatu owa Katikkiro wa Buganda, Apollo Makubuya

MMENGO ezzizza enfuga ya Federo mu ddiiro nga kati kaweefube gw’eriko wa kulaba ng’essibwa mu Ssemateeka wa Uganda.

Omumyuka owookusatu owa Katikkiro wa Buganda, Apollo Makubuya nga ye ssentebe w’akakiiko ka Mmengo akapya akakola ku nsonga eno, yagambye nti baagala abeesimbyewo boogere we bayimiridde ku nsonga eno.

Makubuya, era Minisita w’Ebyamateeka e Mmengo, yagambye nti kino kitegeeza Ssemateeka alina okukyusibwa, enfuga ya Federo eteekebwemu n’ayongerako nti yokka y’egenda okwongera okutumbula obuweereza eri Bannayuganda.

Ku Mmande, Katikkiro Charles Peter Mayiga yalangiridde akakiiko akagenda okulaba nga Buganda efuna Federo n’akalagira okukola n’amaanyi.

Mu nnongoosereza ya Ssemateeka mu 2005, abantu ba Buganda baatwala ebirowoozo mu kakiiko akaali kakulemberwa munnamateeka Fredrick Ssempeebwa nga baagala, Federo erambikibwe ng’enkola y’obukulembeze mu Buganda.

Ku nsonga eyo Makubuya yategeezezza nti, “Ebirowoozo nga bwe byaweebwa Odoki ne Ssempeebwa bwe twagala biteekebwe mu Ssemateeka.

We tuzze tuyimirira era we tukyayimiridde. N’olwekyo, tusaba Bannabyabufuzi ku mitendera gyonna okwegatta ku nsonga eno, egguke.”

Mmengo eyaniriza buli kitundu kya Uganda ekyettanira federo, okugyegattako kyokka abo abatagyettanira, tebabawaliriza.

Bayinza okusigala gye baagala, era Makubuya yasabye buli alina ekirowoozo okukitwala mu ofiisi e Mmengo.

More From The Author

Emboozi z’omuwandiisi endala

Emboozi endala

Kyeyo 220x290

Abagenda ku kyeyo 54 bakwatiddwa...

MINISITULE y’ensonga z’omunda eraze Bannayuganda 54 abaakwatiddwa ku kisaawe kya Kenyatta International Airport...

Okukyala kw’ennaku zino engeri...

Ennaku zino okukyala kukyuse nnyo ng’omusajja bw’aba teyeenywezezza kuyinza okumulema.

Johnfb 220x290

Njagala alina empisa

Njagala eyeetegese okukola obufumbo, alina empisa n’omulimu gw’obuvunaanyizibwa okuva ku myaka 30 n’okweyongerayo....

Newsengalogob 220x290

Lwaki toyagala kwegatta?

Ate okomawo ng‛obudde bugenze, kati yeebuuza obaomulimu gw‛okola gwe guleese embeera eno. Kati alowooza edduuka...

Newsengalogob 220x290

Nvaamu ekisu

LWAKI nvaamu ekisu nga neegasse n’omusajja?