TOP

Mmengo egabidde abayizi 700 bbasale

By Dickson Kulumba

Added 5th August 2016

MMENGO egabidde abayizi abasukka mu 700 bbasale, Katikkiro n'abakubiriza okussa omwoyo ku by’okusoma baleme kuswazibwa nga bannabyabufuzi abamu ensangi zino be Palamenti be yasudde ettale lwa biwandiiko bya buyigirize kweveera!

Basale2 703x422

Ambaasada Ssendaula ng'akwasa omu ku bayizi bbasale. EKIF: DICKSON KULUMBA

MMENGO egabidde abayizi abasukka mu 700 bbasale, Katikkiro n'abakubiriza okussa omwoyo ku by’okusoma baleme kuswazibwa nga bannabyabufuzi abamu ensangi zino be Palamenti be yasudde ettale lwa biwandiiko bya buyigirize kweveera!

Amb. Emmanuel Ssendaula nga ye mumyuka asooka owa Katikkiro wa Buganda y'akwasizza abayizi bano amabaluwa agabatwala mu matendekero agawaggulu ku mukolo ogwabadde e Bulange-Mmengo ku Lwokuna August 4,2016.

“ Twagala musse essira ku misomo kubanga obutasoma buluma bukulu. Bannabyabufuzi abagobwa mu Palamenti batuswaza olw’obutabeera na biwandiiko. N’olwekyo tetwagala gye bujja ate okuwulira nti mu bantu ba Kabaka be yasomesa ku nsawo ye ey’ebyenjigiriza mulimu abaggyiddwa mu bifo eby’enkizo lwa butabeera na biwandiiko bya buyigirize,” Ssendaula bwe yannyonnyodde.

Ye Minisita w’ebyenjigiriza era nga ye mumyuka ow’okubiri owa Katikkiro, Dr. Twaha Kaawaase yategeezezza nti Kabaka aweerera abayizi babiri okuva mu buli disitulikiti ya Uganda okugenda mu Muteesa I Royal University era bw'atyo n'asaba bassentebe wamu n’abakulira emirimu mu disitulikiti okukozesa omukisa guno ng’okusoma tekunnatandika baleete abaana basome.

Mu bbasale ezaagabiddwa, Muteesa I yatutte abayizi 350 ne basigaza ebifo by'abayizi 1500, Buganda Royal Institute baatutte 200 nga basigaza ebifo by’abayizi 800, Stafford University 68, Multitec 59, Destiny Institute 17 ate Ndejje University 2 nga bano ba ssayansi wamu n’amatendekero amalala.    

More From The Author

Emboozi z’omuwandiisi endala

Emboozi endala

Kibowa13webuse 220x290

Abakyala mwekolemu ebibiina mufune...

Abakyala b'e Mukono bakubiriziddwa okwekolamu ebibiina bafune ku ssente za Gavumenti ezitaliiko magoba n'okuwagira...

Acaya1webuse 220x290

Omuyizi akoze mmotoka ne yeewuunyisa...

Omuyizi Francis Ocaya akoze mmotoka ne yeewuunyisa Ababaka ba Palamenti ne bamusuubiza omulimu

Abamukubamusigansimbiabataddemuensimbiokuzimbazikabuyonjongabawayaamunabamukubaanawebuse 220x290

Temusimbira nkulaakulana kkuuli...

Abagirimaani bazimbidde essomero ly'e Ntenjeru kaabuyonjo ey'omulembe

Omulyangogwambabaziogwateeredwaakoebyokoolawebuse 220x290

Ebigambibwa okuba ebyokoola bisasamazza...

Omusaayi ogumansiddwa ku luggi lw'omutuuze nga kuliko ebbaluwa etiisatiisa okufa okumusemberedde bisattizza ab'e...

Abolukiikolwamukonodevelopmentforummdfngabatandiseokukolaemirimugyabwe 220x290

Olukiiko oluyamba Mmeeya okukulaakulanya...

Olukiiko olw'okuyambako Mmeeya w'e Mukono okukulaakulanya ekibuga lusomeseddwa ku nkola y'emirimu gyalwo