TOP
  • Home
  • Buganda
  • Kabaka akyusizza ennyimba y'ekitiibwa kya Buganda

Kabaka akyusizza ennyimba y'ekitiibwa kya Buganda

By Dickson Kulumba

Added 31st January 2017

KABAKA Ronald Muwenda Mutebi II asiimye era n'akakasa ennyimba enaagobererwanga mu kuyimba Ekitiibwa kya Buganda ng'eyawuddwamu ebiti bisatu.

Waayo1 703x422

Kabaka Ronald Muwenda Mutebi II ng'awuubira Obuganda. EKIF: DICKSON KULUMBA

Ennyimba esooka; ebitundu by'oluyimba luno ebitaano byakumalibwangayo ku mikolo okuli okujjukira Amatikkira ga Kabaka, okuggulawo olukiiko lwa Buganda n'okukuza Amazaalibwa ga Kabaka.

Bino byayanjuddwa Katikkiro Charles Peter Mayiga bwe yabadde alambulira Obuganda ebigenda mu maaso nga yasinzidde mu Lukiiko lwa Buganda olwatudde ku Mmande ya wiiki eno January 30, 2017 e Bulange - Mmengo.

Mayiga yagambye nti ennyimba eyookubiri mwe muli emikolo okuyimbirwa ebitundu bisatu: ekisooka, ekyokuna n'ekyokutaano nga gyegyo Kabaka gy'alabikako ng'oggyeeko egimenyeddwa waggulu.

Ate ennyimba eyookusatu y'enaaberanga ku mikolo emirala gyonna egya Buganda nga gya kuyimbirwangako ebitundu bibiri nga gitandika; Ekisooka (Okuva edda n'edda…) n'ekyokuna (Nze nnaayimba ntya ne sitenda….) ate mu kuggalawo, ekitundu ekisembayo ( Katonda omulungi ow'ekisa…), kiyimbibwenga.

Mu ngeri y'emu, Mayiga yagambye nti omwaka guno Obwakabaka bugenda kuteeka amaanyi mu bulimu bw'emmwanyi mu ηηombo etuumiddwa  'EMMWANYI TERIMBA'.

" Omwaka guno tuluubirira okusimba endokwa obukadde butaano. Tugenda kwenyigira mu kulondoola emmwanyi okuva ku kutegeka ennimiro ate emisiri gy'emmwanyi egiriwo twagala okugizza obuggya," Mayiga bwe yannyonnyodde.

Ku nkola y'emirimu, Mayiga yagambye nti ayagala ebitongole byonna okugoberera enkola y'obweruufu kubanga ekizibu ky'Obwakabaka si z'ensimbi entono ezifunibwa wabula n'engeri gye zisasaanyizibwamu, nkulu.

More From The Author

Emboozi z’omuwandiisi endala

Emboozi endala

Tteeka1 220x290

Ebintu 10 ebivaako abakazi okwetamwa...

Omukazi ayinza okukyawa akaboozi oba obutabeera mu mbeera za kwegatta olw’ensonga ezitali zimu.

Genda 220x290

Sheikh Muzaata: Kuva dda nga musajja...

SHEIKH NUHU MUZAATA Batte yazaalibwa mu myaka gya 1950 e Bwayise mu Lufula Zooni okumpi ne Kimombasa mu maka g'omugenzi...

Tteeka2 220x290

Baleese etteeka ku kunyumya akaboozi...

GGWE ssebo abadde alowooleza mu bya, ‘omusajja tammwa kantu’, bukukeeredde! Palamenti ereese etteeka mw’osobola...

20128largeimg210aug2012144442107703422 220x290

Ab'e Kibuli boogedde ku bya Kenzo...

Sheikh Abdul Salaam Mutyaba Imaam w’omuzikiti gw’e Kibuli yagambye bakyetegereza ebya Kenzo era bagenda kutuuza...

Kulanna 220x290

Eyali bba wa Kulannama awadde Kenzo...

Eyali bba wa Senga Kulannama n’amugoba, Abdul Lubega, awadde Kenzo amagezi nti byonna by’ayitamu ye (Lubega) bifaanana...