TOP
  • Home
  • Buganda
  • Omubaka Sseggona ayambalidde abavubuka Abaganda abatamiivu

Omubaka Sseggona ayambalidde abavubuka Abaganda abatamiivu

By Muwanga Kakooza

Added 20th April 2017

Agamba nti abakikola bavumaganyisa Obuganda n’okubuweesa ekifananyi ekibi ennyo.

Kyado1 703x422

Omubaka Sseggona (ddyo) ng’abuuza ku bakulembeze b’abavubuka ba Buganda ab’esaza ly’e Kyadondo Geoffrey Mubiru n’omumbejja Ronah Nakabiri

EYALI minisita w’e Mmengo  nga kati  mubaka wa Busiro East, Edward Lubega Sseggona  alabudde abavubuka mu Buganda okwewala  ettamiiro n’okwambala obubi.

Sseggona agamba nti abavubuka abamu bayitiridde okukeera okutamiirukuka n’okwambala engoye ezaabiridde ebitogi n’agamba nti kino oluusi kye kibammisa n’emirimu n’okuleetera  abazadde olumu okubamma bawala baabwe be bandiwasizza.

Yabadde ayogerera mu musomo  gw’enneeyisa ogutegekeddwa  olukiiko lw’abavubuka ba Buganda ab’essaza ly’e Kyaddondo olwa ‘Buganda Youth Counci’ abakulemberwa Omumbejja Ronah Nakabiri ne Geoffrey Mubiru  nga luli wamu n’ekibiina kya ‘’Ssuubi lya Buganda.’’

Gwabadde ku ssaza e Kasangati okumpi n’e Gayaza. Era gwetabiddwamu  akulira amyuka Kaggo, Agnes  Nakibinge.

Sseggona yavumiridde abavubuka abadda mu kuleebeeta abakulembeze mu kifo ky’okukola n'agamba nti kirungi beetandikirewo emirimu n’oluvannyuma balyoke basabe abakulembeze okubakwasizaako.

Yagambye abavubuka abatakola kyangu okubuzaabuzibwa ne batwalibwa mu bikolwa by’okumenya amateeka.

Yabakunze okwettanira ebifo  by’obukulembeze awatali kusosola bifo n’awa eky’okulabirako ky’ebifo  omuli eby’eddiini, ku  byalo n’ewala byonna ebitalina kusuulibwa muguluka.

 

More From The Author

Emboozi z’omuwandiisi endala

Emboozi endala

Gala 220x290

Aba ManCity tebajulira Bravo

CLAUDI Bravo ayolekedde okuvundira ku katebe mu Man City oluvannyuma lw’Omubrazil Ederson, eyaakagulwa mu Benfica...

Gobwa1 220x290

Owa Leicester City akwatiddwa ku...

Leicester, eyawangula Premier mu sizoni ya 2015-16 efuumudde omutendesi Craig Shakespeare olw’okulemwa okulinnyisa...

Waga 220x290

Liverpool etimpudde Maribor ggoolo...

OMUTENDESI wa Liverpool, Jurgen Klopp atenderezza abazannyi be obuteesaasira nga bawuttula Maribor eya Slovenia...

Banga 220x290

'Real Madrid egule Harry Kane'...

EYALIKO Pulezidenti wa Real Madrid, Ramon Calderon awadde abakungu ba ttiimu eno amagezi, okugula Harry Kane okumuggya...

Pala 220x290

Engeri gy’osaggula omukwano mu...

ABASAJJA bangi mulemwa okusaggula obuwoomi bw‛akaboozi ate ne mwekwasa ng‛abakazi bwe batabacamudde, so ng‛ensobi...