TOP
  • Home
  • Buganda
  • Buganda si yaffe abatuula e Mmengo - Mayiga

Buganda si yaffe abatuula e Mmengo - Mayiga

By Dickson Kulumba

Added 26th October 2017

KATIKKIRO Charles Peter Mayiga agambye nti Buganda si yaabo abatuula e Mmengo wabula ensonga z’Obwakabaka zikwatibwako buli muntu yenna n’olwekyo nga kimukakatako okwenyigira mu nteekateeka z’enkulaakulana ezitereddwawo.

Kyanamukakamakula2 703x422

Katikkiro Mayiga ng'ali n'abantu be Kyanamukaka- Buddu mu disitulikiti y'e Masaka abaleese e Mmengo amakula ga Kabaka okuli ente, amatooke n'ebirala.

Mayiga yabadde ayogerako eri abatuuze okuva mu ggombolola y’e Kyannamukaaka mu ssaza ly’e Buddu abazze e Mmengo n’amakula ga Kabaka ku Lwokuna October 26, 2017 nga yabasisinkanidde mu kizimbe Masengere bw'atyo n’abeebaza olw’okuwaayo ettoffaali eryaddaabiriza ekizimbe kino.

“Amakula kabonero ka kwagala kubanga Kabaka waffe ate era alina abantu mu Lubiri.

Eky’okubiri kabonero kabuwulize…kabonero akalaga obumu era ffena Kabaka ye Kitaffe, abaana bwe babeera balabirira kitaabwe, buli omu atoola ky'alina.

Tulina enteekateeka ngazi kyokka tezisobola kugenda mu maaso okuggyako nga mwe muzeenyigiddemu kubanga Buganda si yaffe abatuula e Mmengo,” Katikkiro Mayiga bwe yannyonnyodde abantu bano.

Bano baakulembeddwamu omumyuka wa Pokino, Mwalimu Abdallah Kato wamu n’omwami w’eggombolola y'e Kyanamukaka, Hajj Zakaliya Ssali ne bawera okwongera okwenyigira mu mirimu egikulaakulanya Obwakabaka bwa Buganda.

Amakula ge baaleese kuliko; ente (4), embuzi (2), enkota z’amatooke 18, enkoko (2),ennaanansi (5), ekisero ky’amapaapaali (1), emikeeka (2), ensujju (2), ebibbo (3), enkota ya ndiizi (1), ekibbo kya ovakedo (1) ne kkiro y’omuceere.

More From The Author

Emboozi z’omuwandiisi endala

Emboozi endala

Dppyu9fx4aaygnu 220x290

Museveni ayozazyozezza Cranes okuwangula...

PULEZIDENTI Museveni ayozaayozezza Cranes olw’okuwangulira Lesotho ku bugenyi ku ggoolo 2- 0 n’agamba nti alina...

Luba 220x290

Amataba gasse mwenda mu Arua n'e...

ABANTU musanvu bafiridde mugga Enyau ogusangibwa okumpi ne Arua mu West Nile oluvannyuma lw’okwanjaala ne gubatwala...

Wana 220x290

Kadaga agumizza Bannayuganda abali...

SIPIIKA Rebecca Kadaga asisinkanye Bannayuganda ababeera e Switzerland n’abasomooza okuweereza ezimu ku ssente...

Daki 220x290

Nnansi w'olubuto gwe baapacca oluyi...

DOKITA omusajja agambibwa okukuba omukazi omuzaalisa eyali olubuto oluyi ng’amulanga kulagajjalira omulwadde...

Mbu 220x290

Tubalinze mu Mbuutu y’Embuutikizi...

Abayimbi abagenda okuyimba mu kivvulu kya Bukedde FaMa Embuutu y’Embuutikizi kalakata bakoowodde abaddigize okujja...