TOP
  • Home
  • Buganda
  • Mmengo etongozza enteekateeka y'okutumbula ekirime kya muwogo

Mmengo etongozza enteekateeka y'okutumbula ekirime kya muwogo

By Dickson Kulumba

Added 6th November 2017

OBWAKABAKA bwa Buganda butongoza olukiiko olugenda okutumbula ennima y’ekirime kya muwogo abantu bafunemu ssente nga bwe bakuuma obutonde bwensi.

Muwogo4 703x422

Patrick Luganda akulira EBAFOSA ng'asomesa abeetabye mu musomo ku mawogo. EKIFl: DICKSON KULUMBA

Olukiiko luno lulimu emitendera ebiri ng’olumu lwa kikugu era oluteeka amateeka nga ssentebe ye Ying. Martin Sseremba Kasekende (Minisita w’ebyobulimi e Mmengo), omumyuka Hajj Hamis Kakomo Mukasa (Minisita omubeezi ow’ebyobulimi e Mmengo), Baminisita abalala okuli Hajjat Mariam Nkalubo Mayanja ne Henry Ssekabembe Kiberu, Fredrick William Kiwazi- Ssentebe w'akakiiko k'ebyobutonde bwensi mu Buganda, Hajj Badru Sserwadda (BUCADEF), Ruth Musoke- Private Sector Uganda, Zakaria Mukasa, Samuel Kazibwe- ICT ne Carol Kizibaziba.

Olukiiko olutuukiriza ebyasaliddwaawo lugenda kukulemberwa abaami b’amasaza nga ssentebe ye David Ssekyeru Kayima, omumyuka Felix Nsamba Kabajjo Muteesa, Charles Kiberu Kisiriiza Ssebwana, Patrick Luwagga Mugumbule ye owaamawulire era omwogezi w'akakiiko, Hajj Twaha Lwanyaga Kibalizi ye muwandiisi.

Lwatongozeddwa sipiika wa Buganda, Nelson Kawalya n’ategeeza nti Obwakabaka bwatandika dda enteekateeka z’okufuula muwogo ekirime ekyettunzi nga bakolagana ne Uganda Breweries okusoggola omwenge NGULE-asoggolwa mu muwogo era kino kyekyawaliriza bannamikago okuli; EBAFOSA (Ecosystem-Based Adaptation for Food Security Assembly) ne UN Environment Programme for Africa okuvaayo okwegatta n’Obwakabaka okutumbula obulimi bwa muwogo.

Ku mukolo ogwabadde e Bulange- Mmengo, akulira EBAFOSA- Patrick Luganda yategezezza ng’ekibiina kyabwe bwe kisanyusa okukolagana n’Obwakabaka bwa Buganda okutumbula ekireme kya muwogo okuyamba abantu okufuna ssente, n’okugoba enjala, n'agamba nti bataddewo n’enteekateeka ezinaalambika omutindo muwogo ono kw'alina okubeera.

Ye Hajj Kakomo yategeezezza nti ng’oggyeeko muwogo, baakussa essira ku kutumbula emmwaanyi, amatooke ne lumonde kuba byonna birina akatale ate bisobola okukolebwamu ebirala bingi.

More From The Author

Emboozi z’omuwandiisi endala

Emboozi endala

St1buk250518 220x290

BUKEDDE W’OLWOKUTAANO YAFULUMYE...

Mulimu ebipya ku batta abawala omuli obujulizi obubalumiriza kyokka nga butiisa.

Save 220x290

Museveni ayogedde ku bawamba abawala...

Pulezidenti agambye nti abatemu abawamba abawala ne babatta babafunzizza era gwe basembyeyo okukwata yabadde n’emirambo...

Whatsappimage20180524at20027pm 220x290

Abadde alimbalimba omuyizi wa S.4...

Emirimu gisannyaladde okumala akaseera mu ppaaka enkadde mu kibuga Kampala abagoba ba takisi abakolera ku siteegi...

Isabeti4 220x290

Yeemulugunyizza ku mutindo gwa...

OMUTEDENSI wa KIU Henry Kyobe akukkulumidde akakiiko akaddukanya omuzannyo gwa Beach Soccer olw’enzirukanya etamatiza...

Kasangati 220x290

Bawambye omuwala omulala e Kasangati...

ABAWAMBA abantu beesomye luno, bawambye omukazi omulala e Kasangati ne basaba obukadde 10, kyokka olubaweerezzaako...