TOP
  • Home
  • Buganda
  • Olukiiko lwa Buganda lusiimye munnamateeka Joseph Balikuddembe

Olukiiko lwa Buganda lusiimye munnamateeka Joseph Balikuddembe

By Dickson Kulumba

Added 4th December 2017

OLUKIIKO lwa Buganda olukulu lukungubagidde n’okusiima emirimu omugenzi Joseph Balikuddembe Mukasa gyakoledde Obwakabaka naddala okulwanirira obwenkanya n’obufuzi obw’amateeka mu ggwanga.

Lukiikobalikuddembe3 703x422

Katikkiro Mayiga ng'abuuza ku Fr. Christopher Walusimbi Omwami w'essaza ly'e Ssese. Ku kkkono ye Mubaka wa Kabaka e Boston, Kato Kajubi ate addiridde Fr. Walusimbi ku ddyo ye Hajj Twaha Lwanyaga omwami w'essaza ly'e Butambala.

Bino bibadde mu lutuula lwalwo olw’okusatu nga olutudde e Bulange - Mmengo era ekiteeso kino kiwagiddwa ne kiyisibwa b'abadde akiika nabo mu lukiiko luno awatali kwesalamu oluvannyuma lw’okusooka okwogera ku mirimu gy'akoledde Buganda.

Katikkiro Charles Peter Mayiga ayogedde ku mugenzi ng’omuntu abadde omukulembeze atakyukakyuka okuva kw'ebyo by'akkiririzaamu wadde nga waliwo abamuwakanya bangi naye ng'asigala ayimiridde ku ndowooza ye.

Omumyuka w’Omukubiriza w’Olukiiko luno, Hajj Ahmed Lwasa awadde abakiise okwogera ku mugenzi ebintu eby’enjawulo era Ffefeka Sserubogo, Isaac Mpanga, Edward Kamya Lugonvu saako Mulindwa Nnakumusana ne bamutendereza ng’omuntu abadde akozeseza obuyivu bwe mu mateeka okulwanirira Obwakabaka nga kino kyeyoleka lwatu mu musango gw’e Bugerere gwe yawangula mu 2015.

Olukiiko lwe lumu lwebazizza Kabaka olw’okulung'amya Obuganda ku nsonga za Federo era luyisizza ekiteeso ekisaba akakiiko akaateekebwawo Obwakabaka ku Federo okukwatagana n’ababaka ba Palamenti abava mu Buganda okugiteeka mu Ssemateeka w’eggwanga ali mu kukolebwamu ennongoosereza.

Mayiga akubiriza Bannayuganda okweyigiriza empisa y’okukkirizanga okuwangula n’okuwangulwa mu by’obufuzi bye babeera beetabyemu oluvannyuma lw’okuwulira okuneneng'ana okungi buli ebibiina by’obufuzi mu ggwanga lwe bimala okulonda mu nda mu byo.

Mu lukiiko luno ensonga za yunivasite y’Obwakabaka eyitibwa Muteesa I Royal zanjuliddwa abakiise era Minisita omubeezi ow’ebyenjigiriza e Mmengo, Dr. Prosperous Nankindu Kavuma n'agamba nti yagguddwawo mu butongole era ekisoboka kyonna kikolebwa okulaba ng’okusomoozebwa kwe yayitamu kukolebwako.

More From The Author

Emboozi z’omuwandiisi endala

Emboozi endala

Amomentwithteachergracenampiimaeditortotomagazinewebuse 220x290

Ensonga 5 lwaki omwanawo olina...

Abakugu bakulaga ensonga lwaki osaanye okusasulira omwana wo okugenda okulambula

Passionfruitpannacotta800800webuse 220x290

Ebivaako omwana okuziyira

Genderera omwana wo okutangira okuziyira okusobola okutangirwa

4webuse 220x290

Omuwendo gw’abantu abakozesa kondomu...

Bannayuganda bakubiriziddwa okwettanira okukozesa kondomu bwe tunaaba baakumalawo siriimu ng'omwaka 2030 tegunnatuuka...

Unity 220x290

Akwatibwa ng'awa abaana abataayaayiza...

EBYOKUSAAGA bikomye: Minisita w’ensonga z’abaana Florence Nakiwala Kiyingi ategezezza nti omuntu yenna anaakwatibwa...

Unique 220x290

Etteeka ku bamansa kasasiro lijja...

MINISITA avunaanyizibwa ku guno na guli Mary Karooro ategeezezza nti gavumenti egenda kuleeta erobonera abamala...