TOP

K2 ne Airtel basse omukago

By Dickson Kulumba

Added 28th July 2018

KATIKKIRO Charles Peter Mayiga agambye nti Obwakabaka bwakwongera okweyambisa ebyempuliziganya ng’erimu ku makubo g’okutumbula ebyobuwangwa ng’eno y’ensonga lwaki K2 ey’Obwakabaka esse omukago ne kkampuni ya airtel.

K2neairtel5 703x422

Akulira emirimu mu K2 ne munne bwebakola ogumu mu Airtel, VG Somesekhar nga balaga endagaano ezaatereddwako emikono wakati wa kkampuni zombi. EKIF: DICKSON KULUMBA

KATIKKIRO Charles Peter Mayiga agambye nti Obwakabaka bwakwongera okweyambisa ebyempuliziganya ng’erimu ku makubo g’okutumbula ebyobuwangwa ng’eno y’ensonga lwaki K2 ey’Obwakabaka esse omukago ne kkampuni ya airtel.

Baabadde Bulange - Mmengo ku Lwokutaano, n’ayanjula K2 ezziddwa obuggya mu kampeyini atuumiddwa ‘Hello Buganda. K2 Ejjudde’.

“Yonna gye ntambulira bambuuza K2 eddako ddi? Kirungi nti abantu baffe bagumiikiriza.

Nneebaza aba airtel okutegeera bizinensi ne basalawo okukola naffe omukago. Ku mulundi guno K2 ekomyewo ku mpewo ng’ejjudde kubanga buli kimu omuntu kyayagala okusanga ku ssimu okuli yintaneeti kwe biri, noolwekyo muddemu mugikozese”, bwe yabasabye.

Mu ntegeeragana eno empya, kkampuni ya Airtel egenda kuguza abantu obuwereeza bwa K2 ng’obutunzi obuva mw’ekyo bugabanwa mu magoba agafuniddwa.

Omuwanika wa Buganda Robert Waggwa Nsibirwa yategezezza nti ennamba z’omukutu guno ezibadde 0730 zikyusiddwa, ne zidda ku 0708 bwatyo ne yeebaza ekitongole ky’empuliziganya mu ggwanga (UCC) olw’okusobozesa enteekateeka eno okukolebwa.

Maria Kiwanuka yalaze obukulu bw’okubeerawo kwa K2 kubanga egenda kwongera okutumbula olulimi Oluganda lweyongere okumanyibwa mu nsi yonna naawa eky’okulabirako kya Katikkiro w’e Buyindi eyabadde kuno gye buvuddeko n'afuuwa budinda Oluganda mu Palamenti ate ne bweyabadde abuuza ku Bayindi abakung'aanidde ku kisaawe e Kololo era yasoose kubalamusamu Luganda nti, ' Musibye mutya"  ekintu ekitegeeza nti ensi eyongedde okukakasa Oluganda.

 

More From The Author

Emboozi z’omuwandiisi endala

Emboozi endala

Ket1 220x290

Leero mu mboozi z'omukenkufu tukulaze...

Leero mu mboozi z'omukenkufu tukulaze butto wa ovakkeddo gy'ayinza okutasaamu asiriiza entamu ssaako okufuukuuka...

Gwa 220x290

Anoonya omuvubuka ali siriyaasi...

OMWAKA nga gutandika abaana abawala bangi basazeewo okukkakkana era bangi bayigga bavubuka batuufu. Ku bawala 10...

Noonya 220x290

Nnoonya omwami ananjagala n’omwana...

Njagala omwami alina empisa, eyazimba nga mwetegefu okunfunira omulimu n’okugenda ewaffe n’okunjagala n’omwana...

Teba 220x290

Esther weebale kumponya laavu y’abayaaye...

NZE Henry Ssekabo, 26 nkola gwa busuubuzi nga mbeera Kawempe mu muluka gwa Bwaise II, Tebuyoleka Zooni.

Spice 220x290

Maneja Roger ye yamponya okudda...

NG’EBULA ennaku mbale okutuuka ku konsati ya Spice Diana etuumiddwa ‘Spice Diana live concert’ egenda okubeera...