TOP

Kabaka musanyufu ku byenjigiriza

By Dickson Kulumba

Added 29th July 2018

KABAKA Ronald Muwenda Mutebi II agambye nti mu byenjigiriza n’okuteekateeka obulungi abavubuka mwemutudde amaanyi g’Obwakabaka n’asiima abaaleeta ekirowoozo ky’okukola ekijjukizo ky’Amatikkira ge ag’omulundi ogwa 25 nga kiri ku nsonga y’ebyenjigiriza.

Saba 703x422

Kabaka ng’atongoza ekizimbe ekituumiddwa Kabaka Mulondo. Wakati ye Anthony Wamala akulira ettendekero lino.

KABAKA Ronald Muwenda Mutebi II agambye nti mu byenjigiriza n’okuteekateeka obulungi abavubuka mwemutudde amaanyi g’Obwakabaka n’asiima abaaleeta ekirowoozo ky’okukola ekijjukizo ky’Amatikkira ge ag’omulundi ogwa 25 nga kiri ku nsonga y’ebyenjigiriza.

Bino yabyogeredde Kakeeka - Mmengo ku Lwokutaano (July 27, 2018) bwe yabadde akwasibwa ekizimbe eky’emyaliiro mukaaga ng’amakula era ekijjukizo ky’Amatikkira ge ag’emyaka 25 nga kino kyateereddwa ku Buganda Royal Institute Of Business & Technical Education nga kyatuumiddwa Kabala Mulondo.

Ku mukolo guno kalabaalaba yabadde Dr. Nankindu Kavuma omubeezi wa Minisita w’ebyenjigiriza. Ye Katikkiro Charles Peter Mayiga yasabye Kabaka asiime, ensi nga bw’egenda ekyuka abeereko ekika oba ebika by’akwasa obuvunaanyizibwa bw’ebyenjigiriza.

Ekizimbe kino kyazimbiddwa aba Capital Technical & Construction Services abakulirwa Ying. Fredrick Kakooza mu bbanga lya myezi mwenda nga Centenary Bank yataddemu obuwagizi bwamaanyi.

Dr. Twaha Kaawaase yategezezza Kabaka nti, mu kitongole ky’ebyenjigiriza ky’atwala baatandikawo ekitongole ky’ebigezo nga bino bitandise n’okugezesbwa mu bukulembeze bw’ennono obulala.

OKWOGERA KWA SSABASAJJA NGA BAMUKWASA EKIJJUKIZO

 

Katusooke n’okwebaza bannaffe abaaleeta ekirowoozo ky’okuzimba ekijjukizo eky’emyaka 25 nga kiri ku nsonga y’ebyenjigiriza, tubayozayoza era tubeebaza. Ekijjukizo kino kitusanyusizza nnyo kubanga kiggyayo bulungi ddala ebirowoozo, amaanyi n’okwewaayo kwaffe ku nsonga y’ebyenjigiriza n’ensonga z’abavubuka kubanga amazima gali nti mu byebjigiriza n’okuteekateeka obulungi abavubuka baffe awo we watudde amaanyi g’Obwakabaka bwabwe era twebaza abo bonna abeenyigidde mu nsonga ezo era abalina emirimu mu bintu ebyo, mwebale nnyo mwebalire ddala. Twebaza ekitongole ky’ebyenjigiriza n’olukiiko olufuzi olw’ettendekero lino olw’omulimu omulungi guno era tusiima nnyo Mw. Antony Wamala akulira ettendekero lino ne banne abakoze omulimu guno era tubeebaza olw’obukulembeze obulungi. Era tusaba abakulembeze baffe bonna abalala okukola obutebalira nga baweereddwa obuvunaanyizibwa obw’engeri eno. Twebaza bannaffe bonna aba Buganda Royal Institute namwe mmwenna abazze ku mukolo guno awamu ne bannaffe mwenna abatusanyusizza. Tusiimye nnyo. Twebaza abo bonna abatuwadde obubaka obubadde mu bigambo ebyogeddwa, mwebale nnyo era tusiimye era njagala okwebaza abo abatuleetedde amakula. Katonda abakuume.”

More From The Author

Emboozi z’omuwandiisi endala

Emboozi endala

Untitled1 220x290

Omuwala namuta ng’ammenya n’olungereza...

Nze Emmanuel Nayebale nga mbeera Kitintale mu Kampala. Bwe nnali naakatandika okwegomba n’okuyingira mu nsonga...

Ssenga1 220x290

Ssenga nnina amaanyi matono

Nnina obusajja butono ate bumpi kyokka n’amaanyi matono ddaala. Ssenga nkoze ntya?

6688203923901413243725744760079814268813312n 220x290

KCCA FC lubabu!

OLWESOZZE semi z'empaka za CECAFA, omutendesi wa KCCA, Mike Mutebi, n'agumya abawagizi ng'ekikopo bwe kibali mu...

Sozo 220x290

Omusu gunoonya kyamagero

TTIIMU y'Omusu ekyazizza Embogo, ng'enoonya kukola kyafaayo ky’okukyusa obuwanguzi bwa ggoolo 6-1, ezaabakubwa...

Abazze1 220x290

Omupiira tugutambulize ku mulembe...

ENTEEKATEEKA ez’okugaziya ekisaawe kya Vipers, ekya St. Mary's Stadium ziri mu ggiya.