TOP
  • Home
  • Buganda
  • Poliisi erambise entambula y’ebidduka ku gya Jubireewo

Poliisi erambise entambula y’ebidduka ku gya Jubireewo

By Musasi wa Bukedde

Added 31st July 2018

POLIISI erambise entambula y’ebidduka ku nguudo ezeetoolodde Olubiri e Mmengo mu kukuza emikolo gya Jubireewo.

Asantekingmeetingkabakaatbulange3 703x422

Oluguudo lwa Kabakanjagala lugenda kukeera kuggalwa, Kabaka y’agenda okulukozesa n’abagenyi be abalondemu abatono ennyo abagenda okuyingirira mu mulyango gwa Wankaaki.

Mmotoka eterina ‘sitiika’ tegenda kukkirizibwa kuyingira mu Lubiri kyokka n’ezo ezikkiriziddwa zaakukozesa emiryango egyenjawulo egitali wankaaki.

Mmotoka z’abagenyi abalala abayite ab’enjawulo zaakuyingira nga zikozesa omulyango ogutunudde mu Kisenyi okuva ku luguudo lwa Musajjaalumbwa olwo ttulafi ki ebalagirire bayingirire mu ggeeti ya Lubiri High era mmotoka baakuzisimba mu kisaawe ky’essomero.

Abantu baabulijjo abatalina kaadi nabo baakuyingira nga bakozesa geeti ya Lubiri High mmotoka bazisimbe ku Lubiri High.

Bino byategeezeddwa aduumira poliisi mu Kampala n’emiriraano, Moses Kafeero n’akulira poliisi y’ebidduka mu Kampala, Norman Musinga mu lukung’aana lw’abaamawulire lwe baatuuzizza ku kitebe kya poliisi e Naggulu eggulo ku Mmande.

Musinga yategeezezza nti abagenyi abalala abayingira mu Lubiri, awagenda okubeera emikolo, baakukozesa Lubiri Ring Road, Mutebi Road, Kisenyi badde mu Ndeeba.

Bano emmotoka baakuzireka wansi ku nnyanja ya Kabaka batambuze bigere okuyingira mu Lubiri nga bayita mu mulyango ogutunudde mu Ndeeba.

Abantu bonna ku nguudo kwe banaayingirira baakubeera nga balagirirwa poliisi y’ebidduka.

Musinga yategeezezza nti emikolo nga giwedde, mmotoka zaakufuluma nga zikozesa amakubo ge zaakozesezza mu kuyingira.

More From The Author

Emboozi z’omuwandiisi endala

Emboozi endala

Hab2 220x290

Omuwendo gw'abatalina kabuyonjo...

Omuwendo gw'abatalina kabuyonjo gwelarikirizza abakulembeze mu Lwengo

Kib2 220x290

Akulira ensonga z'amaka e Matugga...

Akulira ensonga z'amaka e Matugga yennyamidde olw'obutabanguko mu maka

Kas1 220x290

Omutaka Kasirye Kyaddondo alabudde...

Omutaka Kasirye Kyaddondo alabudde abalwanira obukulembeze mu bika

Ko1 220x290

Leero kkooti lw'esalawo oba abali...

Leero kkooti lw'esalawo oba abali ku gw'okutta Suzan Magara basindikibwa mu kkooti enkulu

Lev1 220x290

Omuyimbi Abel Chungu Musuka mutaka...

Omuyimbi Abel Chungu Musuka okuva e Zambia ali mu ggwanga.