TOP
  • Home
  • Buganda
  • Olubiri lwa Ssekabaka Muteesa lufuuliddwa ssomero

Olubiri lwa Ssekabaka Muteesa lufuuliddwa ssomero

By Musasi wa Bukedde

Added 3rd August 2018

Olubiri lwa Ssekabaka Muteesa I, olwazimbibwa ku mwalo gwe Lukunyu ku kizinga ky’e Nangooma mu ssaza ly’e Kakuuto mu Disitulikiti y’e Kyotera, lufuuliddwa ssomero ly’abayizi ba Pulayimale, oluvannyuma lw’abatuuze ku kizinga ekyo okubeera nga balinako essomero eriri ku musingi gwa Gavumenti limu lyokka.

Fuse 703x422

Olubiri lwa Ssekabaka Muteesa I lwe yazimba ku kizinga ky’e Lukunyu abaana mwe basomera.

BYA PASCAL LUTABI

Ssentebe w’ekizinga ky’e Lukunyu, Joseph Ssemwogerere agamba nti ng’Obuganda bujagulizaako Kabaka Ronald Muwenda Mutebi -2 okuweza emyaka 25, baasazeewo okubbulamu essomero lye batadde mu lubiri lwa Ssekabaka Muteesa I lwe yabalekera erinnya lye ng’akabonero ak’okumujjukira awamu n’okusiima Obuganda by’ebakoledde.

Essomero liyitibwa Muteesa -1 Nursery and Primary School. Mu ngeri y’emu essomero erimu eriri mu ggombolola y’e Nangooma basazeewo kutandikawo ssomero eryo lisobole okutumbula ebyenjigiriza mu kitundu kyabwe.

Ssentebe Ssemwogerere agamba nti ebyenjigiriza mu ggombolola yaabwe, bikyabakaluubiriza olw’ebbula ly’abasomesa abalungi, ng’abaliyo si batendeke.

Ssemwogerere yagasseeko nti olugendo okuva ku mwalo gw’e Lukunyu okugenda ku ssomero erimu lye balina erye Nangooma luwanvu nnyo.

Abatuuze basabye obukulembeze bwa disitulikiti ey’e Kyotera, okubadduukirira n’obuyambi nga entebe ezituulwako ne kaabuyonjo, basobole okutumbula ebyenjigiriza mu ssomero lyabwe eppya eryabbuddwaamu Ssekabaka Muteesa.

Robinah Ssentongo Nakasirye omubaka omukazi ow’ekitundu mu Palamenti, ng’ayogerako ne Bukedde yasabye Gavumenti okuteeka mu nkola ekisuubizo ky’okwongera ku bakozi ba gavumenti emisaala naddala abakola mu bizinga nga bino.

More From The Author

Emboozi z’omuwandiisi endala

Emboozi endala

Ket1 220x290

Leero mu mboozi z'omukenkufu tukulaze...

Leero mu mboozi z'omukenkufu tukulaze butto wa ovakkeddo gy'ayinza okutasaamu asiriiza entamu ssaako okufuukuuka...

Gwa 220x290

Anoonya omuvubuka ali siriyaasi...

OMWAKA nga gutandika abaana abawala bangi basazeewo okukkakkana era bangi bayigga bavubuka batuufu. Ku bawala 10...

Noonya 220x290

Nnoonya omwami ananjagala n’omwana...

Njagala omwami alina empisa, eyazimba nga mwetegefu okunfunira omulimu n’okugenda ewaffe n’okunjagala n’omwana...

Teba 220x290

Esther weebale kumponya laavu y’abayaaye...

NZE Henry Ssekabo, 26 nkola gwa busuubuzi nga mbeera Kawempe mu muluka gwa Bwaise II, Tebuyoleka Zooni.

Spice 220x290

Maneja Roger ye yamponya okudda...

NG’EBULA ennaku mbale okutuuka ku konsati ya Spice Diana etuumiddwa ‘Spice Diana live concert’ egenda okubeera...