TOP
  • Home
  • Buganda
  • Obwakabaka tebukolagana na nguzi - Katikkiro Mayiga

Obwakabaka tebukolagana na nguzi - Katikkiro Mayiga

By Dickson Kulumba

Added 20th October 2018

KATIKKIRO Charles Peter Mayiga mwennyamivu! Agamba buli gy’ozza amaaso mu Uganda olaba abantu abanyakula ebintu ebyandigasizza bannansi awamu bw’atyo nalabula nti singa eggwanga terikwatira wamu okulwanyisa obulabbayi, terijja kusenvula mu nkulaakulana.

Katikkironguzi1 703x422

Katikkiro Charles Peter Mayiga ng'ayogera ne Kaliisoliiso wa Gavumenti, Omulamuzi Irene Mulyagonja mu ofiisi ye e Bulange- Mmengo nga October 18,2018.

Bino yabyogeredde mu ofiisi ye ku Lwokuna October 18, 2018 bwe yabadde akyazizza kaliisoliiso wa gavumenti, Omulamuzi Irene Mulyagonja n’agamba nti Obwakabaka bulina enkola y’obwerufu nga buli muweereza alina okugitambulirako.

“Obwerufu y’enkola y’okukolera buli kintu mu musana nga tewali ky’ossa wansi wa mmeeza. Era mu bitongole byonna eby’Obwakabaka tubategeza nti omuntu ekintu ky’akola, bw’oba okulira ekitongole. Akulira ekitongole ekyo alina obuvunaanyizibwa okulaba nga buli ky’akola akikolera mu musana nange nga Katikkiro byenkola nnina kubikolera lwatu. Bwe wabaawo ensimbi nga ziyingidde twagala tutegeere bye zaakoze, bwe wabaawo obuzibu, kuba nabwo bubeerawo, twagala  abakozi be tukola nabo bamanye lwaki waliwo obuzibu obwo,” Mayiga bwe yategeezezza.

Mayiga yayongeddeko nti omulimu gwa kaliisoliiso wa gavumenti mukulu ddala eri eggwanga bw’atyo n’asaba abakulembeze ku mitendera gyonna okukwatira awamu okulwanyisa enguzi.

Mulyagonja yategeezezza nti ekitongole kibeera ne wiiki y’okulwanyisa enguzi nga buli mwaka bwe batyo bagenda bakyalira ebitongole bwe bakolagana mu ddimu lino bw’atyo n’ayongera okusaba abantu beegatire wamu mu kuwa obujulizi obulumika abali b’enguzi kuba kye kimu ku bizibuwaza okubavunaana.

Kabaka gye buvuddeko yavaayo n’asaba abantu be okukwatira awamu okulwanyisa enguzi nga basooka n’okwewala omululu era bayigirize abaana baabwe okuva buto, ensonga zino.

 

More From The Author

Emboozi z’omuwandiisi endala

Emboozi endala

Nwagi 220x290

Amazina n’ennyambala bizaalidde...

Amazina n’ennyambala Winnie Nwagi bye yayolesezza mu ndongo y'abayizi bimuzaalidde akabasa. Yeetondedde abazadde...

Kaputeeniwacranesonyangongaatonerakatikkiroomujoozigweyazannyiddemumuafcon1webuse 220x290

Abalina ebitone mukozese omukisa...

Abazannyi abalina kye mwekoledde muyambe ne bannammwe okwekulaakulanya nga bwe muteeka Uganda ku maapu

Naabagerekangaasomesaabaanamukisakaatewebuse 220x290

Abazade baakusomesebwa engeri y'okuyamba...

Okutendeka omwana mu Kisaakaate ate n'adda eka ng'abazadde tebamanyi ngeri ya kubalambikamu kubeera nga kwoza n'oyanika...

Yawenemunnengabakongolaenkoko1webuse 220x290

Mu kusala enkoko mwe ntandise bizinensi...

Emirimu gye nayitanga egy'abacaafu n'abataasoma mwe nfunye ssente ezinnyambye okutandika bizinensi endala n'okwetuusaako...

Annotation20190722173519 220x290

Banjoman muto wa Bobi Wine alina...

Banjoman muto wa Bobi Wine alina ke yeekoleddewo