TOP
  • Home
  • Buganda
  • Ekisaakaate kidde mu masomero - Nnaabagereka

Ekisaakaate kidde mu masomero - Nnaabagereka

By Dickson Kulumba

Added 16th January 2019

NNAABAGEREKA Sylivia Nagginda agambye nti, kikulu enteekateeka y’Ekisaakaate okuteekebwa mu masomero abaana bonna abatalina mukisa kugenda mu Kisaakaate ekibeerawo mu January buli mwaka.

Saba 703x422

Nnaabagereka ng'atuuse ku mukolo gw'Ekisaakaate ku Mmande .

Bino yabyogedde bwe yabadde akyadde mu Kisaakaate eky’omulundi ogwa 13 nga kitegekeddwa ku ssomero lya St. Joseph of Nazareth e Kavule - Katende mu ssaza ly’e Mawokota ku Mmande.

“Kikulu Ekisaakaate okubunyisibwa mu masomero kubanga kino ekibeerawo mu January buli mwaka, tubeera nabo ekiseera kitono. Kino kyakuyamba okugunjulira eggwanga abatuuze abeegombesa era ab'obuvunaanyizibwa", Nnaabagereka bwe yategeezezza.

Omwaka oguwedde enkola y’Ekisaakaate yatongozebwa mu masomero g’ekibuga Kampala nga bwe kinaamala okunnyikira kirowoozebwa kigenda kutwalibwa ne mu masomero ag’ebitundu ebirala.

Nnaabagereka yayongedde n'asaba abazadde okulondoola abaana baabwe okulaba nga bateeka mu nkola ebyo ebibasomeseddwa nga yalagiddwa ebintu eby'enjawulo abaana bye bakola okuli okubumba, okuluka, okweyonja n’ebirala.

Oluvannyuma Nnaabagereka yagguddewo ekizimbe ekipya ku ssomero lino abayizi mwe bagenda okuliiranga. Essomero lino likulirwa Omulangira Paul Kyabaggu.

Abayizi baayimbidde Nnaabagereka n'okutontoma ebyo bye bazze basomesebwa okuva nga January 5, 2019.

Abalala battunse mu mizannyo okuli omweso n'emirala. “Omweso gwe gumu ku mizannyo emizaaliranwa egireeteddwa mu Kisaakaate.

Omuzannyo guno gulina okwagazisa abaana okubala, obutetenkanya n’ebirala kyokka n’emizannyo emirala weegiri,” Adrian Mukiibi akulira emirimu mu Nnaabagereka Development Foundation bwe yategeezezza. Ekisaakaate kino kikomekkerezebwa nga January 19, 2019.

Kyetabiddwaamu abaana abasukka mu 400 nga kitambulidde ku mulamwa 'Obuntubulamu mu bikolwa byange'.

More From The Author

Emboozi z’omuwandiisi endala

Emboozi endala

Ras22 220x290

Bakitunzi ba Rashford bamutaddeko...

Rashord, 21, yava mu akademi ya ManU okwegatta ku ManU kyokka waliwo ebigambibwa nti Barcelona emuperereza.

Barnabasnawangwe703422 220x290

Makerere University esabye Gav't...

YUNIVASITE y’e Makerere esabye gavumenti egyongere obuwumbi 47 ziyambe mu kukola ku by’okusasula emisaala gy’abakozi...

29243df2f7bc3e5c325b36c37a17a53dc8cb3ab9 220x290

Eyali Pulezidenti yeekubye essasi...

EYALI Pulezidenti wa Peru, Alan García 69, yeekubye essasi ne yetta poliisi bw’ebadde egenda okumukwata ng’emuvunaana...

Pros 220x290

Gavt. ereeta etteeka ku mobile...

GAVANA wa Bbanka Enkulu mu Uganda, Emanuel Tumusiime Mutebile agambye nti, Gavumenti egenda kuleeta etteeka ku...

Cardinal 220x290

Kalidinaali Wamala ayogedde ku...

KALIDINAALI Emmanuel Wamala ayogedde ku mbeera y’obulamu bwe n’ategeeza nti, talina kimuluma kyonna okuggyako obukadde....