TOP

Omusiguze bamufumise ebiso

By Musasi Wa

Added 4th April 2012

Omusajja aludde ng’alabula omusiguze okumuviira ku mukazi, amusooberedde ng’asinda naye omukwano n’amutemaatema ebiso ebyamutuusizza ku mugo gw’entaana.

Bya Rwambuka Mugisha

Omusajja aludde ng’alabula omusiguze okumuviira ku mukazi, amusooberedde ng’asinda naye omukwano n’amutemaatema ebiso ebyamutuusizza ku mugo gw’entaana.

Amon Kariba ye yaweereddwa ekitanda mu ddwaaliro  lya Universal Health Centre Clinic  gye yatwaliddwa ng’ataawa olw’ebiwundu ebigambibwa nti byamufumitiddwa Nkwatsibwe, nnyini mukazi.

Bombi nga batuuze b’e Kibingo, Ngoma mu Disitulikiti y’e  Ruhaama kigambibwa nti baludde nga bawalaggana oluvannyuma lw’eyafumise okukitegeera nti Kariba asinda omukwano ne mukaziwe  Melidah era n’amulabula kyokka ng’omusiguze yeegaana.

Okubakwata yasoose kulimba mukaziwe nti agenze Kampala nga tamanyi lw’agenda kukomawo, olwo ekiro omukazi n’atemya ku musiguze eyazze mu nju ya Nkwatsibwe ne batandika okunyumiza akaboozi ku muliri bwa nnyinnimu.

Oluvannyuma Nkwatsibwe eyabadde yeekwese mu bitooke by’awaka yavuddeyo n’asamba oluggi n’abasanga mu kikolwa n’afumita muliraanwa ebiso n’amuleka ng’ataawa n’adduka.

Omukazi mu kusoberwa yakubye enduulu ab’omuliraano ne bajja era beebatutte Kariba mu ddwaaliro.

Omu ku baserikale ba poliisi abanoonyereza ku musango guno yategeezezza nti Nkwatsibwe anoonyezebwa era bw’azuulibwa waakuvunaanibwa okutwalira amateeka mu ngalo.

 

Omusiguze bamufumise ebiso

More From The Author

Emboozi z’omuwandiisi endala

Emboozi endala

Bim1 220x290

kkooti ewadde ekiragiro ku mpaka...

kkooti ewadde ekiragiro ku mpaka z'obubina

Lop1 220x290

Eyawambye omwana ku ssomero n'asaba...

Eyawambye omwana ku ssomero n'asaba ssente poliisi emukutte

Kis1 220x290

Omulimu gw'okuzimba ekisaawe kya...

Omulimu gw'okuzimba ekisaawe kya Nakivubo gutambula bulungi

Sarangabaagaembuzinekikondekyekunokwebayitaokugikubaekikondeweb 220x290

Ntunda mitwe gya mbuzi okuweerera...

Emitwe gy'embuzi gye nsasulwa mu kuzibaaga mwe mpeeredde abaana n'okwongerako emirimu emirala.

United1 220x290

Kiikino ekizembe kw’olabira Dubai...

DUBAI eyongedde okussaawo likodi! Ku kizimbe ekisinga obuwanvu mu nsi yonna, egasseeko ekizimbe ekyakulanga “Fuleemu”...