TOP
  • Home
  • Bugwanjuba
  • Akulira ebyokwerinda e Kasese abazigu bamufumise ebiso

Akulira ebyokwerinda e Kasese abazigu bamufumise ebiso

By Musasi wa Bukedde

Added 16th March 2016

Yasangiddwa adda waka ne muganda we Johnson Mulumbira 37, okuliraana essundiro ly’amafuta erya Delta erisangibwa ku luguudo oluva e Kasese okudda e Fortportal.

Royalgurdskasesegiso703422 703x422

Jame Mulumbira, GISO wa Buhuhira ng’ajjanjabibwa mu ddwaaliro lya Kilembe Mines

ABANTU abatannategeerekeka bateeze GISO James Mulumbira, akulira ebyokwerinda mu ggombolola y’e Kyabarungira mu Busongora North, mu kiro ky’Olwokubiri ne bamufumita ebiso ne muganda we, baweebwa ebitanda.

Yasangiddwa adda waka ne muganda we Johnson Mulumbira 37, okuliraana essundiro ly’amafuta erya Delta erisangibwa ku luguudo oluva e Kasese okudda e Fortportal.

GISO Mulumbira gwe twasanze ng’ajjanjabirwa mu ddwaaliro lya Kilembe Mines yategeezezza nti, “Nnabadde mpeese muganda wange ku pikipiki, abantu bana ne batuyimiriza.

Twabadde tetunnaba na kuyimirira bulungi, ne batandika okutufumita amafumu n’ebiso bye baabadde nabyo era omu yanfumise mu bulago...!”

ame ulumbira  wa uhuhira ngajjanjabibwa mu ddwaaliro lya ilembe ines oluvannyuma lwokulumbibwa ku wokubiri Jame Mulumbira, GISO wa Buhuhira ng’ajjanjabibwa mu ddwaaliro lya Kilembe Mines oluvannyuma lw’okulumbibwa ku Lwokubiri.

Yayongeddeko nti, “bandibadde bansazeeko omutwe singa seetangidde bulungi n’emikono gyange. Baabadde bana nga bonna mbamanyi. Bakuumi b’Obusinga bwa Rwenzururu nga bakolera mu ggombolola eno.”

Akulira eby’okunoonyereza ku buzzi bw’emisango mu kitundu ky’Obuvanjuba bwa Rwenzori, Joseph Andama yakakasizza obulumbaganyi buno.

Dr. Boris Bwambale yategeezezza nti abaalumbiddwa bonna embeera yaabwe tetiisa n’ayongerako nti, “Eky’omukisa emisuwa gy’ensingo ya GISO tegyasaliddwa.

Ebiwundu byonna twabisibye.” Obulumbaganyi buno bwajjidde mu kiseera ekitawera na wiiki emabega nga Mulumbira alumizibwa okuyamba ku poliisi okuzuula ebikwata ku bantu abana abattibwa poliisi ku kyalo Kasenyi mu ggombolola y’e Buhuhira e Kasese.

ohnson ulumbira naye ali mu ddwaaliro Johnson Mulumbira naye ali mu ddwaaliro.

 

Okuttibwa kw’abatuuze bano kwaleetawo okunenya ku njuyi ez’enjawulo okuli poliisi ate nga yo poliisi enenya abakulembeze b’Obusinga okuyita mu kiwayi ky’abavubuka ekiyitibwa ‘Kirumiramutima’, ng’Obusinga bukyegaana.

Omuduumizi wa poliisi mu ggwanga, Gen. Kale Kayihura yasinzidde mu lukuhhaana lwa Bannamawulire ku Ssande n’ategeeza nti ekibinja ky’abavubuka ba ‘Kirumiramutima’ kye kyakola obulumbaganyi ku Mulumbira.

More From The Author

Emboozi z’omuwandiisi endala

Emboozi endala

Firimu 220x290

Eyali asoma obwafaaza alumbye Mbarara...

FERDINAND Lugobe Pike eyabulako akatono okufuuka omusosodooti ayingidde ekisaawe ky’okuzannya Ffirimu.

Rally 220x290

Laba ebbinu eribeera mu mmotoka...

ONOONYA ssanyu lya ku nsi, olina situleesi oba onoonya wa kuliira bulamu.Alina mmotoka gikube ekisumuluzo, owa...

Thumbnailrevmwesigwabyjmutebi5 220x290

Rev. Mwesigwa ebintu bimukyukidde:...

REV. Isaac Mwesigwa poliisi bwe yamukwasa aba famire ye, yalowooza nti ebintu biwedde kyokka ebigambo byamukalidde...

Mze 220x290

Owapoliisi atuuyanye mu gwa Kanyamunyu...

OMULAMUZI Steven Mubiru akiguddeko oluvannyuma lw’omuserikale wa poliisi eyabadde azze okulumiriza Mathew Kanyamunyu...

Bobi 220x290

Mayinja ensi ekulaba - Bobi

Bobi yasabiddwa okwongera okuttaanya ku njawukana eziriwo wakati w'abakulembeze ba People Power ne Ronald Mayinja...