TOP
  • Home
  • Bugwanjuba
  • ‘Ng'enda kunoonya buli eyeetabye mu ttemu e Bundibugyo - Museveni

‘Ng'enda kunoonya buli eyeetabye mu ttemu e Bundibugyo - Museveni

By Ali Wasswa

Added 29th March 2016

PULEZIDENTI aweze nti buli eyeetabye mu kutemula abantu e Bundibugyo agenda kukwatibwa omukono gw’amateeka gumukoleko n’amaanyi.

Lwana 703x422

Pulezidenti ng’ayogera n’abeebyokwerinda e Bundibugyo eggulo.

PULEZIDENTI aweze nti buli eyeetabye mu kutemula abantu e Bundibugyo agenda kukwatibwa omukono gw’amateeka gumukoleko n’amaanyi.

Bino yabyogedde eggulo e Kanyansiri mu ggombolola y’e Ntotoro mu Bundibugyo ng’obugenyi buno buddiridde abantu abasoba mu 10 okuttibwa mu kirowoozebwa okuba obutakkaanya bw’amawanga.

Kigambibwa nti Abakonzo be baalumbye Abamba ne batemaatema abamu ebiso ate abalala ne bafuna ebisago eby’amaanyi ate nga ne poliisi mu kugezaako okubalwanyisa, baalwanaganye nayo oluvannyuma ne badda mu nsozi.

Pulezidenti yagumizza Abamba nti obumenyi bw’amateeka obw’ekika kino tebugenda kuddamu kubatuukako.

“Okuddukira mu nsozi beerimbye kuba eyo si Ggulu nti omala kufuna biwawaatiro okubuuka otuukeyo. Bagenda kuwanulwayo oba baagala oba tebaagala,” Pulezidenti bwe yaweze enkolokooto.

 ulezidenti ngayogera nabeebyokwerinda e undibugyo eggulo Pulezidenti ng’ayogera n’abeebyokwerinda e Bundibugyo eggulo.

“Mbeegayiridde temuwoolera eggwanga ku Bakonjo kuba nabo Bannayuganda. Mudde eka mukole emirimu era mbakakasa nti buli alina omukono mu ttemu lino agenda kukisasulira. Lino eggwanga si lya kuzannyirako.

Abaakoze obutemu buno eno y’entandikwa yaabwe era y’enkomerero yaabwe,” Museveni bwe yagumizza Abamba abaabadde abangi.

Pulezidenti eyagendedde mu nnyonyi, yayogeredde eddakiika ezitasukka 20 ng’eno nnamunkanga bwe zirawuna ebbanga wakati mu kwerinda okw’amaanyi.

Yeeyamye okuyamba famire eyalumbibwa omwana ow’emyaka 14, omusajja n’omukyala ne babatema ebiso, wamu n’ez’abo bonna abaafiiriddwaako abaabwe.

 ulezidenti useveni ngasala omugga okwolekera ekifo awaali obulumbaganyi e undibugyo Pulezidenti Museveni ng'asala omugga okwolekera ekifo awaali obulumbaganyi e Bundibugyo

Yawerekeddwaako minisita Kamanda Bataringaya, abataka b’omu kitundu gwe baakubye olube nga Pulezidenti amusabye okubaako ky’ayogera.

Omuduumizi w’enkambi y’amagye eyookubiri, Peter Erweru naye yabaddeyo.

“Nja kukuuma Bannayuganda n’ebyabwe era abaagala okutabangula eggwanga lino bakiggye mu ndowooza,” bwe yayongedde okubakalaatira.

Ssentebe wa Bundibugyo, Jolly Tibamanya yasabye Pulezidenti atuuze abataka b’enjuyi zombi bategeeragane n’agamba nti, “Nze nawanguddwa mu kalulu era mu May nja kuwaayo obuyinza mu ddembe. Simanyi lwaki abantu abamu tebaagala mirembe.”

More From The Author

Emboozi z’omuwandiisi endala

Emboozi endala

Sharifah1 220x290

Sharifah Kateete waakuvuga ddigi...

Wadde ng'olutalo ku ngule ya MX125 luli wakati wa Wazir Omar ne Fortune Ssentamu, Sharifah Kateete alayidde okubalaga...

Kasozi 220x290

Owa KCCA yeesunga kukaabya URA...

Oluvannyuma lwa Allan Okello, Charles Lukwago ne Nicholas Kasozi okukomawo, Mike Mutebi mugumu nti bagenda kulabya...

Ssengalogo 220x290

Ssenga nsobola okuloga omulenzi...

Mpulira bagamba osobola okuloga omusajja n’akwagala. Ggwe olina ku ddagala ssenga.

Ssengalogo 220x290

Mukazi wange alabika yayenda n’azaala...

Nnina abakyala babiri, mukyala muto ali mu kyalo naye kati omukyala oyo alabika ayenda era yazaala omwana mulenzi....

Ssengalogo 220x290

Emyezi ebiri sigenda mu nsonga...

Nneegatta oluvannyuma ne ngenda mu kalwaliro ne ngula empeke okwetangira okufuna olubuto naye kati mmaze emyezi...