TOP

Omutembeeyi amezze abagagga b’omu Kikuubo

By Musasi wa Bukedde

Added 16th September 2018

OMUTEMBEEYI Bashir Muwonge akaabizza abagagga b’omu Kikuubo amaziga. Azzeemu okubawangula n’enkoona n’enywa ekibanyiizizza nga beewuunya omuntu atalina waakolera okubakulembera.

Malawo 703x422

Muwonge (wakati) ne banne nga yaakamala okulayizibwa.

Omanyi abagagga bano baali baawawaabira Muwonge nga bagamba nti mumenyi w’amateeka tasobola kubakulembera era okuwangula akalulu yeekobaana n’akakiiko k’ebyokulonda ne bababba obululu.

Omulamuzi Patience Tukundane owa Mwanga II ye yagobye omusango guno kyokka abagagga ne bata akaka nga bagamba tebajja kuweera okutuusa nga bafunye obwenkanya.

Baddukidde mu kkooti enkulu okujulira kyokka naye n’addukira ku ggombolola y’omukulu w’ekibuga, Charles Musoke Sserunjogi eyamulayizza.

Muwonge ye yawangula akalulu k’obwassentebe bw’omu Kikuubo mu zooni ya Shauriyako B.

Yali avuganya ne Raye Nantege, John Kasasa n’abalala kyokka Nantege yalaba Muwonge abatwala n’asaba banne beegatte bawagire Kasasa kyokka era Muwonge n’abamegga.

Abasuubuzi bagamba nti Muwonge azze akwatibwa KCCA n’aggulwako emisango n’egimu ne gimusinga nga tebasobola kumukkiriza kubakulembera.

Ku lunaku lw’okulayira Nantege yaleeta ekiragiro kya kkooti nga kiyimiriza Muwonge okulayira kubanga omusango gukyali mu kkooti kyokka tekyamuyamba.

Muwonge yawuliddwa ng’ategeeza banne nti abalonzi tebakyafaayo nnyo ku ssente n’erinnya wabula obusobozi na kiki ky’obasuubizza okubakolera n’asaba abagagga okumwegattako bakole.

More From The Author

Emboozi z’omuwandiisi endala

Emboozi endala

Gaali 220x290

Ono booda agiyita mmotoka?

ONO taata w’abaana ekiragiro kya Pulezidenti eky’emmotoka eza buyonjo okutikka abantu basatu yakifunye bulala....

Bitone2 220x290

Nze sijja kuyimba kambawe akatono...

NG’ABAYIMBI beeyiwa mu situdiyo okukola ennyimba ezikwata ku kirwadde ku Coronavirus n’okukubiriza abantu okugoberera...

Kcca2 220x290

Oba adduse tutwale ekigaali n’emmaali...

OMUVUBUKA eyabadde atundira ennanaansi ku kigaali ebigere tebiba kumweyimirira ssinga kati ali mu mbuzi ekogga....

Njagala ananjagala nga bwendi

Njagala ali wakati w’emyaka 50 - 55, alina omulimu, omwetegefu okundabirira, okunfunira eky’okukola n’okugenda...

Abanoonya22 220x290

Njagala musajja ananfaako

Nneetaaga mwami Musiraamu, atya Allah ng’ali wakati w’emyaka 38 - 40 ng’asobola okufaayo ku bulamu bwange n’abaana...