TOP

Mwekwate Mwoyo Mutukuvu ajja kubawanguza

By Vivien Nakitende

Added 1st November 2019

Msgr. Charles Kasibante akubirizza abayizi okwekwata Mwoyo Mutuukirivu n'ebitone bye eky'amagezi n'eky'okutegeera abayambe okuyita ebibuuzo

Busega1webuse 703x422

Msgr. Kasibante ng'asiiga omu ku baafunye amasakalamentu omuzigo

Bya Vivien Nakitende
Msgr. Charles Kasibante, Vicar General asooka ow’essaza ekkulu erya Kampala, akubirizza abayizi okwekwata ebitone bya Mwoyo mutuukirivu byonna omuli; eky’amagezi n’eky’okutya Omukama bibayambe mu bulamu bwabwe. 
Abakubirizza bulijjo okukoowoola Mwoyo mutuukirivu abawe ekitone ky’okumanya, eky’okutegeera, eky’okubuulirirwa, eky’okutya Omukama basobole okuwangula ensi eno.
Yabadde ku kigo kya Mt. Camel e Busega ng’awa amasakalamentu okuli: erya Ukalisitiya (okusembera) ne konfirimansiyo ssaako omugigi eri abayizi abaasobye mu 400 okuva mu masomero ag’omu kigo kino.
 sgr asibante ngawa abaana abaamaze emisomo omukisa Msgr. Kasibante ng'awa abaana abaamaze emisomo omukisa

 

Yagambye nti, “Oli bw’akulaga ekituufu kigondere, Mwoyo wa Mukama aba ayise mu ye okukubuulirira, naffe abantu abakulu, Mwoyo y’atulung'amya, obujjumbize bw’eddiini mwongere okubunyweza.
Mwagale obutuukirivu mubeere kyakulabirako muleme okwesittaza abalala nga mwambala bulungi ate mukwate ebibayigirizibwa.
Mwetangire ebizibu, si buli ky’okola nti ojja kifunamu, mubeere bagumiikiriza mu bulamu bwammwe obwabulijjo na mu buli kye mukola, mukuume Yezu nga mukuuma ebiragiro bye era mutambulire mu bigere bye.
Ebigenge by’omubiri n’omwoyo mubitwale eri Yezu abiwonye era mubiwone,” Msgr. Kasibante bwe yayigirizza.
Msgr. Kasibante yayambiddwaako Fr. Lawrence Ssekamatte, bwanamukulu w’ekigo kino eyakubirizza abazadde okwongera okuyigiriza abaana baabwe eddiini n’okugibakuumiramu baleme kutangatanga.
 

More From The Author

Emboozi z’omuwandiisi endala

Emboozi endala

Samhouse7 220x290

Sam Mukasa ayingidde goloofa ye...

Yiino goloofa ya Sam Mukasa eyogeza banne obwama!

8714805438505141082996706452061019224145920o 220x290

Museveni ne Kagame basisinkanye...

Kyaddaaki Pulezidenti Museveni ne mukulu munne owa Rwanda, Paul Kagame beefumbye akafubo ku nsalo ya Uganda ne...

Kasa 220x290

Maama kalimunda tonyiga bbebi ennyindo...

ONO maama kalimunda tatya kunyiga bbebi nnyindo olw’engeri gy’akulukuunya olubuto lwe ku musajja.

Omukyalangaatudde 220x290

Laba byana biwala ebyanywa amata...

Bw’oba otambula, osanga ebyana ebitambulira mu bibinja nga byesaze obugoye obukulengeza ‘waaka’ nga ‘n’ebithambi’...

Firimu 220x290

Eyali asoma obwafaaza alumbye Mbarara...

FERDINAND Lugobe Pike eyabulako akatono okufuuka omusosodooti ayingidde ekisaawe ky’okuzannya Ffirimu.