TOP
  • Home
  • Busoga
  • Asimye kaabuyonjo mu mulyango gw’ekkanisa y’Abadiventi e Kamuli

Asimye kaabuyonjo mu mulyango gw’ekkanisa y’Abadiventi e Kamuli

By Musasi wa Bukedde

Added 13th April 2016

Abadiventi b’ekkanisa enkulu e Kamuli beezoobye n’omukazi eyaleese bakanyama ne basiba ssehhenge mu maaso g’ekkanisa yaabwe ng’agamba nti yeesenza ku ttaka lye.

Tawo1 703x422

Poliisi ng’ekuula ebikondo wakati w’omulyango gw’ekkanisa n’ekinnya kya kaabuyonjo ekyasimiddwa

Abadiventi b’ekkanisa enkulu e Kamuli beezoobye n’omukazi eyaleese bakanyama ne basiba ssehhenge mu maaso g’ekkanisa yaabwe ng’agamba nti yeesenza ku ttaka lye.

Monic Wabuliriire, 55, ye yasimbye sseng’enge mu luggya lw’ekkanisa ng’ayitira ddala kumpi n’omulyango gwayo omunene ate omulala n’omutambuza mu mbiriizi waayo ng’olubalaza lwayo bwe lutambula.

Katemba ono yabaddewo Lwamukaaga nga Abadiventi baasangiddwa bali mu kusinza kwa Ssabiiti yaabwe.

Omukadde w’ekkanisa eno omukulu, Joseph Ngobi yawaliriziddwa okuyita Poliisi eyazze okukuuma emirembe n’okukuulawo ebikondo ebyabadde bisimbiddwa abakozi ba Wabuliriire.

Eno ye yabadde entikko y’enkaayana z’ettaka lino erisangibwa Adams Road weeyungira ku Gabula Road mu munisipaali y’e Kamuli.

Wabuliirire yategeezezza nti kino yabadde akikola mu butuufu kuba ettaka kitaawe- Benafansi Muzaale Muweebwa ye yalimuwa.

 nju ezimbiddwa mu maaso gekkanisa Enju ezimbiddwa mu maaso g’ekkanisa.

 

Wadde akkiriza nti n’ekkanisa kitaawe yagiwa, naye ako ke katundu ke yabadde atalizza omuli ekkanisa yennyini n’ennyumba y’omusumba ng’awalala baali beesenzaawo mu bukyamu.

Mu bimu ku byabadde bimaze okukolebwa ye kaabuyonjo Wabuliriire gye yabadde amaze okusima mu maaso g’omulyango omunene oguyingira ekkanisa.

Wabula Poliisi yakudde ebikondo ne ssehhenge n’ebitikka ku mmotoka n’ebitwala ku poliisi.

Ye Omusumba Robert Kudongania yeetegudde embeera oluvannyuma lwa Wabuliriire okumukkakkanako n’amuvuma n’amwogoloza mu maaso g’abakkiriza.

Bino biddiridde Kkooti y’e Jinja Enkulu okusingisa Ekkanisa omusango ogwagiwawaabirwa okwesenza ku ttaka lino.

Kyategeezeddwa nti Muzeeyi Muzaale ekitundu kye yali yagabira ekkanisa kyali kya ffuuti 50 ku 100 zokka Ekkanisa weeyimiridde, sso si kibangirizi kyonna.

More From The Author

Emboozi z’omuwandiisi endala

Emboozi endala

Mala1 220x290

BUKEDDE W’OLWOMUKAAGA AFULUMYE...

Mulimu abayizi 5 abasinze mu buli ssomero mu disitulikiti ez’enjawulo. Tukugattiddeko n’ebifaananyi byabwe nga...

Morning 220x290

Obulamu bw’okweyombekera kkoyi...

OBULAMU obw’omu bumenya! Bayibuli ekirambika nti ekitonde ekisajja kineegattanga n’ekitonde ekikazi ne bakola obufumbo...

Ssenga1 220x290

Bakwana batya?

Ekizibu kye nnina kya nsonyi ate nga ndi muvubuka wa myaka 21. Ntya n’okugamba ku muwala yenna. Ssenga nsaba kunnyamba...

Yaga 220x290

‘Muntaase puleesa egenda kunzita...

MUSAJJA mukulu Ssaalongo Vincent Kigudde 78, awanjagidde akakiiko akabuuliriza ku mivuyo gy’ettaka kamuyambe ku...

Nyanzi 220x290

Dr. Stella Nyanzi alemedde e Luzira...

Dr. Stella Nyanzi ajeemedde ebiragiro bya kkooti bw’agaanye okulinnya bbaasi y’abasibe emuleeta ku kkooti nga bwe...