TOP
  • Home
  • Emboozi
  • Akooye abakungu abandikwasizza amateeka ate okudda mu kutirimbula abantu

Akooye abakungu abandikwasizza amateeka ate okudda mu kutirimbula abantu

By Musasi Wa

Added 26th January 2012

ABAZUNGU baatuwa okwefuga nga basuubira nti okwefuga kujja kutulemerera tudde mu kutting’ana n’oluvannyuma tubayite bakomewo baddemu okutufuga.

2012 1largeimg226 jan 2012 085302650 703x422

Bya MUMANSA

ABAZUNGU baatuwa okwefuga nga basuubira nti okwefuga kujja kutulemerera tudde mu kutting’ana n’oluvannyuma tubayite bakomewo baddemu okutufuga.

Newankubadde Uganda egenda kuweza emyaka 50 nga yeefuga, kyokka wakyaliwo Abazungu abakyalina essuubi nti ekiseera kyonna okwefuga kuyinza okutulemerera tudde mu kutting’aana.

Abakulembeze bwe bazzeemu okukaalakaala n’emmundu mu bantu era ne batta n’abantu mu ngeri ey’ekifamukoko, olwo ne bongera okukakasa Abazungu nti okwefuga kujja kutulemerera.

Omukungu wa Gavumenti George Agaba, omu ku abo abaakwasibwa obuvunaanyizibwa obw’okuddukanya emirimu gy’ekibuga Kampala (KCCA) kigambibwa nti ku Ssande eyise yagenze n’emmundu n’alagira basajja be ne bazitokoseza mu bantu b’e Luzira era ne babattamu abantu babiri n’abalala bangi ne basigala ku bisago.

Omukungu Agaba agamba nti yabadde ku mirimu gye emitongole egy’okumenya amayumba agaazimbibwa mu bifo ebikyamu.
Eyo gye yasanze abantu abamulaajanira aleme kubamenyera mayumba gaabwe nga tebaweereddwa kiseera kibamala
okunoonyezaamu gye banaasengukira, era abo be baawandagaziddwaamu amasasi.

Mu biseera by’obufuzi bwa Idi Amin, abakungu mwe baakubirizibwanga obuteerabira mmundu zaabwe nga bagenda okukola
emirimu mu bantu. Era abakungu baakuutirwanga okukozesa emmundu ezo, nga bakubira ddala ku nnyama nga wabaddewo
abeemulugunya ku ebyo bye baalinga
bakola.

Enjawulo ennene eriwo wakati w’obufuzi bwa Idi Amin na buno obuliwo kati y’ey’okuba nti obufuzi bwa Museveni mwe tuwerezza n’emyaka 50 bukya twefuga, bwo bwajjirira kuggyawo bikolwa eby’ekivandulo abakungu mwe beeyambisiza emmundu okugyoonyesa abantu.

Kyalangirirwa mu lwatu nti obufuzi bwa Muvumenti bwajjirira kuzzaawo nfuga etambulira ku mateeka. Naye poliisi egamba nti ebikolwa ebyakoleddwa e Luzira byabadde mbimenya mateeka, kubanga omukungu wa KCCA George Agaba poliisi teyagitegeezezzaako ku mirimu gye yabadde agenda okukola e Luzira wabula yagiyise kutegula mirambo gy’abo abatirimbuddwa.

Abantu okutirimbulwa mu ngeri eyo ey’obumenyi bw’amateeka era ng’ekyo kiduumirwa abakungu abaalifuddeyo okulaba ng’obufuzi obw’amateeka bukuumibwa, ekyo nakyo ku bwakyo kiraga kulemererwa kwefuga.

Era awo Ddwaddwaddwa Mumansa w’akikinalira n’abuuza nti lwaki ba Agaba balekeddwaawo okweyambisa emmundu badobonkanye okwefuga kwa Uganda?

Akooye abakungu abandikwasizza amateeka ate okudda mu kutirimbula abantu

More From The Author

Emboozi z’omuwandiisi endala

Emboozi endala

Koudjis1 220x290

Abalunzi baakutendekebwa ennunda...

ABAKUGU mu kulabirira n’okuliisa enkoko n’embizzi bakunze abantu bonna abalunda n’abaagala okutandika okulunda...

Tiya1 220x290

Ttiyaggaasi anyoose mu kikwekweto...

POLIISI ekubye amasasi mu bbanga n’omukka ogubalagala okugugumbula abatuuze abaatabukidde aba UMEME nga bawakanya...

Rema1 220x290

Sebunya bwe yansaba laavu saamudaaza...

REMA Namakula attottodde laavu ye ne Dr. Hamza n’atangaaza ku byaliwo mu kwanjula bwe yakyusa ssenga ku ssaawa...

Sak1 220x290

Gavumenti ekakasizza enkolagana...

Gavumenti ekakasizza enkolagana yaayo n'ekitongole kya SASAKAWA okutumbula eby'obulimi

Kig13 220x290

Robert Ssekweyama alangiriddwa...

Robert Ssekweyama alangiriddwa ku butendesi bwa Kiraabu ya Doves