TOP
  • Home
  • Ssenga
  • Nnaakawasa abakazi basatu nga banoba

Nnaakawasa abakazi basatu nga banoba

By Musasi Wa

Added 24th November 2014

Ndi muwuulu si lwa kuba nti saagala kuwasa naye buli mukazi gwe nfuna andekawo. Nnaakawasa abakazi basatu naye bagenda.

2014 11largeimg224 nov 2014 103653770 703x422

NZE Stephen Lubowa. Mbeera Busega Kibumbiro. Ndi muwuulu si lwa kuba nti saagala kuwasa naye buli mukazi gwe nfuna andekawo.

Nnaakawasa abakazi basatu naye bagenda. Ndi musajja mukozi wadde sinnaba kufuna mulimu gwa nkalakkalira naye nga nneeyiiya era buli ekijja nkikola era nfunayo obusente obutonotono.

Omukazi gwe nnasooka okuwasa twamala naye emyaka ebiri gyokka n’andekawo. Ono yakeera
lumu n’asibamu ebibye n’angamba nti talina gafa nnaku.

Nnali njagala omukazi ono era wadde nnali sifuna nnyo naye nga nfuba okulaba nga mufunira ekyokulya era teyasula ku njala.

Ono bwe yagenda ne mmanya nti kirabika osanga yali tanjagala kwe kusooka ne mpisaawo akaseera nenfuna mwana muwala omulala.

Ono weyajjira’ nnali nfunye akalimu nga nkola ku kigobero kyokka ebyembi nakolayo akabanga katono ekigobero ne bakiggala akalimu ne kaggwawo.

Omukazi olwawulira nti sikyalina mulimu yasibirawo ebibye naye nandekawo. Okumanya kino kyannuma nnyo naye bwe yaliagenda yang’amba kimu nti  ssebo, nze saagala musajja mwavu kajjira yeeyiya.

Era ekyanzijira mu bwongo namanya nti kirabika n’ono yali tanjagala kwe kufuna omulala.

Ono namanya nti bambi anjagala kubanga ate ye we yajjira mu kiseera ekyo nnali sinnafuna mulimu mulala ne tubeerawo nga bwe nneeyiiya naye n’aguma.

Kye saamanya nti mwana muwala ono yali abeera nange mu mbeera eno naye nga yali alinayo abasajja abalala be yali aganza. Kino we nakitegeerera, nava awaka ne ngenda okuyiiya
naye ng’enda okukomawo ng’afumbye nnyama.

Saasooka kukitya ogwasooka naye nagenda okulaba ng’efuuse nkola kwe kumubuuza nti owange bye
tulya biva wa. Haaa… nakuba jinja mu njuki kubanga omukazi yantabukira nannangira buli kintu nalyoka ang’amba nti okubeera nange yali annyamba buyambi kubanga ndi mwavu nnyo era yatambulirawo
n’anviira. Kino bwe kyatuukawo we nakkiririza nti wamma abakazi tebaagala musajja mwavu.

Nnaakawasa abakazi basatu nga banoba

More From The Author

Emboozi z’omuwandiisi endala

Emboozi endala

Grav 220x290

Mujje mbalage ekitone ly’okuyimba...

Oluvannyuma lw’emyezi ebiri ng’ali mu kutendekebwa okwa kasammeme n'okugoggola eddoboozi, Gravity Omutujju ayise...

Uni 220x290

BUKEDDE W’OLWOKUNA AKULEETEDDE...

Bobi Wine olusimbudde okuva mu Amerika, abawagizi be ne batandikirawo okujeemera poliisi. Amagye gakutte owa Flying...

Banyarwanda2 220x290

Abanyarwanda basabye Kabaka ettaka,...

ABANYARWANDA ababeera mu Uganda basabye Kabaka asiime abawe ettaka Ssekabaka Muteesa II lyeyali abawadde e Kibuye...

Fortunessentamu2 220x290

Abagwira 6 bakuvuganya ne Bannayuganda...

Laawundi y'empaka za ddigi eyoomukaaga ku kalenda ya Uganda yakwetabwaamu abagwira 6.

Courtgavelscales1024683 220x290

Kkooti zonna zaakujjukira Benedicto...

Mu 1972 abajaasi ba Amin baalumba Benedicto Kiwanuka mu ofiisi ye ku Kkooti Enkulu ne bamuwalawala mu kifo ekitaategeerekeka...