TOP

Omwana atulugunyizibwa akwasizza kitaawe

By Musasi Wa

Added 23rd October 2012

POLIISI e Kalungu ekutte omusajja agambibwa okukola ettima ku mwana we n’amusiba emikono katono agikutuleko ng’amulanga okumeketa ku binyeebwa bye eby’ensigo.

Bya S. BAAGALAYINA
POLIISI e Kalungu ekutte omusajja agambibwa okukola ettima ku mwana we n’amusiba emikono katono agikutuleko ng’amulanga okumeketa ku binyeebwa bye eby’ensigo.

Eyakwatiddwa ye Francis Wasswa ow’emyaka 38 ng’ogumukwasizza gwe gw’okutulugunya omwana we Junior Kizinga ow’emyaka 9 n’atuuka n’okumusiba akandooya ng’akozesa enkoba z’eggaali.

Mu kiseera ky’ekimu n’omukazi Aisha Nakayemba eyakwatibwa olw’okwokya omwana wa mukulu we nga yeeyambisa ppaasi y’amasannyalaze gumusse mu vvi, omulamuzi Elijah Musolo owa kkooti ento e Kalungu n’amuwa ekibonerezo kya kusibwa mu kkomera emyezi 24.

Avunaanyizibwa ku nsonga z’abaana ku poliisi e Kalungu, Gladys Nassozi yategeezezza nti Wasswa okukwatibwa kyaddiridde abazirakisa okubatemyako ku mwana atulugunyizibwa.

“Poliisi yaffe ey’omu kabuga k’e Bugomola e Lwabenge olwafunye amawulire gano yasitukiddemu n’ezuula omwana ono n’oluvannyuma n’ekwata kitaawe Wasswa n’aleetebwa ku kitebe w’akuumirwa,” Nassozi bw’annyonnyola.

Ku Poliisi omwana alumirizza kitaawe nti yamusibye emikono ng’agigasse n’amagulu n’agimusuzaako nga yasoose kumukuba kibooko omubiri gwonna olw’okuba yamekese ku binyeebwa.

Omwana ono emikono gizimbye nga takyasobola kukwasa bibatu kweriisa ng’ate omubiri gwonna gujjudde enkwagulo n’ebikuyiro by’emiggo ng’awasibiddwa enkoba waababuse nga we bookezzaako n’omuliro.

Wasswa yekiririzza nti omwana kituufu yamusibye kyokka ne yeesammula eky’okumusibisa enkoba z’eggaali ng’agamba nti byabadde byayi by’ebitooke.

Kino kiwakanyiziddwa nnyo abapoliisi n’abantu abasing’aniddwa ku poliisi e Kalungu abeekebezze omwana ono nga yaakatuusibwayo nti ebyayi tebiyinza kumyumyuula obwenkanidde awo n’atuuka n’okubabuukirira.

 

Omwana atulugunyizibwa akwasizza kitaawe

More From The Author

Emboozi z’omuwandiisi endala

Emboozi endala

Kaba 220x290

Roden Y Kabakko ne Vinka bayingidde...

Wakati mu lutalo lw’ebigambo olugenda mu maaso, Cindy yatuuse n’okugamba nti; ‘’Nneewuunya abayimbi abeeyita nti...

The 220x290

Cindy Ssanyu ne Sheebah bayomba:...

OLUTALO wakati Sheebah Karungi ne Cindy Ssanyu nga buli omu yeewaana nga bw’asinga munne okukuba emiziki n’obuganzi...

Wano 220x290

Museveni atongozza ebbibiro lya...

EKITONGOLE ekigereka ebisale by’amasannyalaze mu ggwanga ekya Uganda Electricity Regulatory Authority kigambye...

Kadaga703422 220x290

Ebikwata ku Rebecca Alitwala Kadaga...

Yazaalibwa May 24, 1956 ng’alina emyaka 63

Godo 220x290

Museveni alambudde Kadaga mu ddwaaliro...

SIPIIKA wa Palamenti Rebecca Alitwala Kadaga mwongere okumusabira. Mulwadde muyi. Abamujjanjaba mu ddwaaliro e...