TOP

Asobezza ku mwana n’amutta

By Musasi Wa

Added 18th January 2015

OMUSAJJA abadde yeeyita omukozi wa KCCA e Ndeeba n’e Kabowa awambye omwana ow’emyaka omukaaga n’amusobyako n’oluvannyuma n’amutuga.

2015 1largeimg218 jan 2015 093945573 703x422


Bya ISMAIL DDAMBA

OMUSAJJA abadde yeeyita omukozi wa KCCA e Ndeeba n’e Kabowa awambye omwana ow’emyaka omukaaga n’amusobyako n’oluvannyuma n’amutuga.

Magargret Birungi muliraanwa wa Jackson Kayanja ng’ono ye kitaawe w’omwana Evelyn Nakate eyattidwa agamba nti, omusajja ono babadde bamumanyiiko erinnya limu lya Luwagga era abadde agenda ku byalo bino n’abalagira okulongoosa awaka era bw’amala n’agenda.

Oluusi abadde akwata abo abakyafu n’abaggyako ssente oluvannyuma lw’okubatiisatiisa okubatwala mu kkomera kubanga we basula oba we bakolera wajama.

Ku Mmande ya wiiki eno yagenda mu Kironde Zooni e Kabowa n’akola nga bulijjo bw’atera okukola oluvannyuma n’akwata omwana ono Nakate ku mukono ne bagenda bonna kyokka baliraanwa tebaategeera gye yali amutwala.

Maama w’omwana ono Pross Nalwadda agamba nti, mu kiseera we baawambira muwalawe yali agenze mu katale naye agenda okudda ng’omwana we tamulabako.

Baliraanwa baamugamba nti, omwana agenze n’omusajja ayeeyita omukozi wa KCCA kyokka ne bamulinda nga buteerere. Baatandika okumunoonya ne bategeeza n’abakakiiko ka Kironde nti muwalawe abuze.

Baalanga ku bizindaalo b’ekyalo n’okugenda ku poliisi n’etandika okunoonyereza.
Ku Lwokuna poliisi yazudde omulambo e Busaabala ne bakubira bazadde b’omwana ono ne bagenda okugukera era ne bakakasa nti omwana ono ye ye.

Kyazuuliddwa nti yabadde amaze okusobozebwako n’oluvanyuma ne bamutta.
Akulira okunoonyereza ku buzzi bw’emisango ku poliisi e Katwe Benon Ayebere agamba nti, omulambo gw’omwana ono gwabadde bukunya nga guli okumpi ne kaabuyonjo nga kiteeberezebwa yabadde ayagala kugusuulamu n’alemwa.

Town Clerk wa Lubaga James Luyimbaazi agambye nti tebalina mukozi ayitibwa Luwagga era omusajja ono tebalina kaakwate naye.

Omugenzi yaziikiddwa Mpambire e Mpigi ku Lwomukaaga ku ssaawa munaana

 

Asobezza ku mwana n’amutta

More From The Author

Emboozi z’omuwandiisi endala

Emboozi endala

Whatsappimage20191213at212901copy 220x290

Balaze waaka ku mpaka z'emisono...

Balaze waaka ku mukolo gw'okwolesa emisono ogwategekeddwa Abraynz ku Serena Hotel mu Kampala

Steelandtubebyjmutebi2 220x290

'Abakozi mukomye okwemulugunya'...

FAAZA Raymond Kalanzi ow’e kiggo ky’e Kiwamirembe alabudde abakozi abasiiba ku mirimu yonna gye bali nga beemulugunya...

Fanda1 220x290

Eyasuulawo mukyala we emyaka 25...

SSEMAKA eyasuulawo mukyala we ng’afunye omulala akomyewo oluvannyuma lw’emyaka 25 n’amukuba empeta.

Bba 220x290

Kkamera ziraze eyabbye emmotoka...

KKAMERA za poliisi zikutte omusajja omulala ng’abba emmotoka eyabadde esimbiddwa okumpi n’eddwaaliro ly’e Mulago....

Tamalemirundi 220x290

Tamale Mirundi agobye abamulambula...

Mikwano gya Tamale Mirundi betwayogeddeko nabo baategeezezza nti obulwadde Tamale bwamwetamizza abantu era mu bamu...