TOP

Basibye omwana ku miguwa ne bamwokya e Mukono,

Added 24th January 2015

OMUKAZI ow’ettima wuuno agamibwa okwekobaana ne muliraanwa we ne basiba omwana wa muganda we gwe yamuwa okumuyamba ku mirimu gy’awaka emikono ne bamwokya omuliro n’okumukuba emiggo nga bamulaga kubba ssente za muliraanwa we 4,000/-.

OMUKAZI ow’ettima wuuno agamibwa okwekobaana ne muliraanwa we ne basiba omwana wa muganda we gwe yamuwa okumuyamba ku mirimu gy’awaka emikono ne bamwokya omuliro n’okumukuba emiggo nga bamulaga kubba ssente za muliraanwa we 4,000/-.

Hasiyah Nakalema ne Rose Nakafeero ab’e Kyabakadde mu Ggombolola y’e Kyampisi mu Disitulikiti y’e Mukono kigambibwa  nti baayokezza omwana Shakirah Nabazaala, 12 emikono. Bano baakwatiddwa ne baggulwako omusango gw’okutulugunya omwana ku fayiro nnamba SD: 07/19/01/2015 ku Poliisi y’e Kyampisi.

Okubakwata kyaddiridde abatuuze okugitemyako oluvannyuma lw’okulaba omwana ono ng’azimbye emikono.

Nakalema yakkirizza okusiba omwana emiguwa n’okumukuba n’okumwokya emikono ng’agamba nti yabadde amubonereza aleme kuddamu kwemakula.

Yalaajanidde Poliisi emusonyiwe nti kuba yabadde tamanyi nti ky’akola kya butemu. 

Nakafeero eyabbiddwaako ssente yategeezezza nti, “baze yandekedde 4,200/- ne nzireka ku buliri nga wano omu ku baana bange we yaziggye n’azitwalira Nabazaala kyokka bwe baamubuuzizza ne yeegaana nze ne mbyesonyiwa.

Wabula oluvannyuma bantegeezezza nga ssente bwe bazirabye olwo maama wa Shakira n’atandika okumukuba era oluvannyuma yansabye omuguwa wabula nga simanyi nti agenda kusiba mwana ono kumwokya.”

Aduumira Poliisi y’e Kyampisi, Albert Asiimwe yategeezezza nti abakwate bano bagguddwaako emisango gy’okutulugunya omwana.

Basibye omwana ku miguwa ne bamwokya e Mukono,

More From The Author

Emboozi z’omuwandiisi endala

Emboozi endala

Amasannyalaze gakubye babir...

Entiisa yabuutikidde abatuuze ku kyalo Wantoni mu Mukono Central division, Mukono munisipaali, abasajja babiri...

Loodi Meeya Erias Lukwago ngakyazizza dayirekita wa Kampala omuggya, Dorothy Kisaka

Loodi meeya akyazzizza dayi...

  Ababiri basoose mu kafubo mu ofiisi za Loodi Meeya okumala essaawa bbiri nga bateesa. Lukwago yamwanjulidde...

Gav't etandise okugabira Ba...

GAVUMENTI etandise okugabira Bannakampala masiki eziyamba okutangira ssenyiga omukambwe kyokka abamu ku ba LC abaazikwasiddwa...

Kazinda ng'aleeteddwa mu kkooti

Kazinda ayolekedde okuyimbu...

EYALI omubalirizi omukulu mu ofiisi ya Katikkiro wa Uganda Geoffrey Kazinda ayolekedde okuyimbulwa mu kkomera e...

Kitatta ng'ali mu kaguli ka kkooti

Abudallah Kitatta ayimbuddw...

Hajji Abudallah Kitatta eyali omuyima wa bodaboda 2010 ayimbuddwa okuva mu kkomera gy'amaze emyaka 3.