TOP

Omutemu ayokezza essomero omwana n'afiiramu

Added 22nd May 2015

OMUZIGU atannategeerekeka ayokezza essomero ne mufiiramu omwana omu. Byabadde ku ssomero lya Shep kindergarten e Bunnamwaya okumpi n’e Kampala.

Bya Shamim Nabunnya
OMUZIGU atannategeerekeka ayokezza essomero ne mufiiramu omwana omu. Byabadde ku ssomero lya Shep kindergarten e Bunnamwaya okumpi n’e Kampala.

Omwana eyafudde ye Tronita Nampijja ow’emyaka etaano ng’abadde asoma mu ‘baby class’. Nnannyini ssomero lino, Aisha Musoke yannyonnyodde nti asula n’abayizi be mu kisenge ekimu
ku ssomero era zaabadde ziwera ssaawa nga 6.00 ez’ekiro ekyakeesezza Olwokuna, n’awulira omuliro nga kutumbuka omulundi gumu.

Yayanguye okuzuukuka n’atandika okukung’aanya abaana okubafulumya kyokka yabadde akkirira nabo amadaala, omwana eyafudde n’ava ku banne n’addayo waggulu mu kizimbe.’

Aisha Musoke ng’azirise.

Nnayanguye okumugoberera kyokka saasobodde kumutaasa kubanga nnasanze omuliro gumaze okumwokya ng’afudde,’’Musoke bwe yannyonnyodde abazadde.

Wabula poliisi bwe yazze, yazudde eddaala emabega w’ekizimbe omuzigu lye yakozesezza okulinnya waggulu n’amansira petulooli n’akoleeza omuliro ogwasse omwana n’okusaanyawo ebintu byonna ebyabadde mu kisenge ekyo.

Kitaawe w’omwana , Henry Ssekyanzi yazze kiwalazzima era yatemye omulanga ng’atuuse ku mwana we eyabadde afuuse ebisiriinza, n’ategeeza nti omwana we yaleeteddwa ku ssomero ku Lwakusatu okutandika okusoma ng’abadde wa kisulo.

Nnyina w’omwana ono , Rosemary Nakatwere yagenda Dubai gy’akolera nga yali yamulekera muganda we okumumulabirira eyamufunidde essomero lino mwe yafiiridde.


Akulira poliisi ya Bunnamwaya Ngobe, Alexander Nuwagaba yagambye nti ebintu ng’eddaala omuntu
kwe yalinnyidde byonna baabirabye era batandikiddewo okunoonyereza okuzuula eyakoze ekikolwa kino.

Muky. Musoke alumiriza nti buno bwabadde bulumbaganyi butegeke era yakissizza ku mpalana z’abantu abaludde nga bamulwanyisa okulemesa essomero lino.

Omutemu ayokezza essomero omwana n’afiiramu

More From The Author

Ab

Emboozi z’omuwandiisi endala

Emboozi endala

Agugulana ne KCCA atiisizza...

HAJJI Rashid Ssenyonjo Musisi atiisizza okukung'anya famire ye batuule mu luguudo ompi n'amayumba ge e Lweza...

Trump anywezezza ebyokwerin...

Abaserikale abamukuuma beebulungudde White House okuva mu ggye erimanyiddwa nga The Washington, DC National Guard,...

 Mwamula Juma, the UPTU General Secretary speaking the press in Kampala. Looking on is a member of UPTU. Courtesy photo

Uganda Private Teachers Uni...

Mwamula Juma, the UPTU General Secretary said the government directive is more of a populist voice than a realistic...

 Kayiwa

Munnamakolera asabye Gav't ...

MUNNAMAKKOLERO Steven Kayiwa nga y'akiikirira Bannamakkolero mu lukiiko lwa Buganda olukulu asabye gavumenti eyawakati...

Bagabidde abakozi b'Abachin...

MINISITULE y'ebyobulamu egabidde abakozi mu b'omu nnimiro z'abachina abalimira omuceere mu Lwera n'abavubi b'oku...