TOP

Asuddewo omwana n'agenda okwetunda

Added 8th August 2015

POLIISI y’e Kawaala eggalidde omuwala eyasudde omwana ku mizigo oluvannyuma n’adduka.

Bya PETER SSAAVA

POLIISI y’e Kawaala eggalidde omuwala eyasudde omwana ku mizigo oluvannyuma n’adduka.

Sharon Najjemba ow’e Kawaala Zooni 2 yakwatiddwa poliisi y’e Kawaala oluvannyuma lwa baliraanwa be okugenda ku poliisi n’omwana ono gwe baagambye nti yamusudde obudde bukya.

Najjemba okukwatibwa kyaddiridde omu ku batuuze b’e Kawaala okumusanga mu kifo ekimu mu Kampala omwetundira bamalaaya gy’abadde yeekukumye nga kigambibwa nti okumusuulawo abadde agenze kwetundira eyo.

Najjemba yategeezezza poliisi nti omusajja abadde takyalabirira mwana nga yabasulawo n’agenda mu kyalo e Bugerere nga n’oluusi babadde bakuba ku ssimu ze nga tazikwata kwe kusalawo yeetunde asobole okufuna ky’alya n’omwana we.

Omutuuze, Frank Kajubi apangisa ku nnyumba Najjemba kw’asula yategeezezza nti wiiki bbiri emabega babadde n’obutakkaanya nga n’oluusi abawulira bayomba n’okulwanira mu nju wabula nga tamanyi kibatabula.

Agnes Kiiza akola ku nsonga z’abaana n’amaka ku poliisi eno yategeezezza nti Najjemba agenda kutwalibwa mu kkooti avunaanibwe omusango gw’okutulugunya omwana wabula n’asaba abasajja okuyambanga ku bakazi baabwe nga bali mu buzibu kuba oluusi obuzibu bwe batuukako buva ku basajja butabalabirira.

Asuddewo omwana n’agenda okwetunda

More From The Author

Ow

Emboozi z’omuwandiisi endala

Emboozi endala

Mutumba eyakumye ku nnyumba ye omuliro ne mufiiramu bbebi we Nambooze

Akumye ku famire ye omuliro...

Ronald Mutumba okuva mu mbeera kiddiridde okukubira nga mukyala we Annet Mirembe amasimu nga tagakwata ate ng'olumu...

Abakulembeze mu Kawempe ben...

ABAKULEMBEZE ba LC mu Kawempe balaze obwennyamivu eri balandiroodi abasusse okugobaganya abapangisa nga babanja...

"Abatakisi bafunye obukodyo...

POLIISI erabudde nti egenda kukola ekikwekweeto ku batakisi abasiize endabirwamu z’ebidduka byaber langi nga bagenderera...

Gav't ekkirizza abagwiira 1...

UGANDA ekkirizza abagwiira 165 abaali basiibirwa muno ng’eggadde ensalo olw’obulwadde bwa COVID 19 okudda ewaabwe....

Fred Enanga

Ettemu n'okusobya ku baana ...

EBIKOLWA by’ettemu n’okusobya ku baana bikudde ejjembe mu biseera by’okwekuuma obulwadde bwa ssenyiga era poliisi...