TOP

Omukazi anyodde omwana wa muggya we obusajja

By Musasi Wa

Added 10th October 2015

OMUKAZI agambibwa okunyoola omwana wa muggya we ebitundu by’ekyama, poliisi emukutte.

 Bya PADDY BUKENYA

OMUKAZI agambibwa okunyoola omwana wa muggya we ebitundu by’ekyama, poliisi emukutte.

Teddy Ampaire ow’e Ngalagala mu ggombolola y’e Mpenja mu Gomba yakwatiddwa poliisi y’e Kanoni mu Gomba bwe yakkakkanye ku mwana wa Harimah Nambasa nga ye Joseph Matovu, 5, n’amunyoola obusolo n’okubunyiga.

Nambasa maama w’omwana ono yategeezezza poliisi nti Ampaire aludde ng’atulugunya omwana we kyokka ku luno yamukutte akasolo n’akasika n’okukanyoola.

Nambasa ayongerako nti akasolo k’omwana kaakoseddwa oluvannyuma lwa Ampaire okukasika kumpi kukakutulako. 

Ampaire yeegaanyi okulumya omwana n’agamba nti naye yeewuunyizza ekyavuddeko ebitundu by’omwana ono okuwanvuwa ennyo ng’ate yamukubye kibooko yokka.

Bba w’abakazi bano, JamesLubega yagaanyi okuyingira mu nsonga z’abakazi be era okusinziira ku akulira okunoonyereza ku buzzi bw’emisango mu Gomba, Doreen Kakyo, Ampaire yagguddwaako omusango gw’okutulugunya omwana wa muggyawe ku fayiro SD:08/02/10/2015 era waakutwalibwa mu kkooti avunaanibwe.

Omukazi anyodde omwana wa muggya we obusajja

More From The Author

Emboozi z’omuwandiisi endala

No Matching Document

Emboozi endala

Mot1 220x290

Ababbi babbye nnamba za mmotoka...

Ababbi babbye nnamba za mmotoka e Kyengera ne basaba ssente

Lab1 220x290

GAVANA alabudde abayuza n'okuwandiika...

GAVANA alabudde abayuza n'okuwandiika ku ssente

Lop1 220x290

Minisita ayagala KCCA esse obukwakulizo...

Minisita ayagala KCCA esse obukwakulizo obupya ku baagala okuzimba ebizimbe mu Kampala

Funayo 220x290

Attottodde engeri omuzigu gye yatemye...

OMUKAZI Florence Nannyombi ‘omutujju’ gwe yasikambuddeko omwana we Amos Sekanza ow’emyaka omusanvu n’amutemako...

Gata1 220x290

Omusajja atemyeko abantu 4 emitwe...

OMUSAJJA bwe yatemyeko obulago abantu bana, baasoose kumuyita mulalu. Azzeeyo ku kyalo n’atemako emitwe abalala...