TOP
  • Home
  • Eby’abaana
  • Omuwala attottola mukama we bwe yamutwalanga ‘awutu’ ne bamukuba kalifoomu ne bamukozesa

Omuwala attottola mukama we bwe yamutwalanga ‘awutu’ ne bamukuba kalifoomu ne bamukozesa

By Musasi wa Bukedde

Added 2nd April 2016

NEEVUMA obwavu obwannemesa okusoma ne nsalawo okukola obwa yaaya obundeetedde ebizibu bye ngenda okufa nga nneevuma. Bino bye bimu ku bigambo by’omuwala Joan (erinnya eddala lisirikiddwa), by’attottola.

Ddayo1 703x422

NEEVUMA obwavu obwannemesa okusoma ne nsalawo okukola obwa yaaya obundeetedde ebizibu bye ng'enda okufa nga nneevuma. Bino bye bimu ku bigambo by’omuwala Joan (erinnya eddala lisirikiddwa), by’attottola.

Nnina emyaka 15, mbeera Najjanankumbi. Ssente bwe zaabula maama, ne nva mu ssomero ssenga kwe kunfunira aw’okukola obwa yaaya e Kireka.

Mbadde nkolera omukyala ayitibwa Flavia Abias. Mbaddeyo akabanga katono ne nnemererwa olw’embeera gy’abadde ampisaamu.

Omulimu gwange nnali ngwagala kuba awaka tewaalinga mirimu mingi ate nga ne bboosi wange annyambako ku mirimu.

Wabula nga mmaze okumanyiira, yatandika okuntwalanga ‘awutu’ okunsanyusaamu olw’okumukoleranga obulungi.

Olunaku olwasookera ddala okuntwala awutu, twali tutudde ne wajja abavubuka basatu ne bayita mukama wange ne bagenda.

Oluvannyuma bonna baakomawo ne batandika okunsaba omukwano. Nagezaako okugaana wabula mukama wange n’ampita nti “Joan kkiriza bye bakugamba nze mbatumye’’.

Nagaana wabula mukama wange n’angulira sooda n’amuteekamu kalifoomu kye saamanya n’ampa ne nnywa abavubuka bano bonna ne bankozesa nga simanyi.

Ngenda okudda engulu ng’obudde bukedde ate nga ndi waka era nga mpulira obulumi mu bitundu by’ekyama n’obukoowu.

Bwe nnabuuza mukama wange ekyali kintuuseeko, yanziramu nti,” tofaayo abakazi bwe batyo kirabika ogenda mu nsonga.’’ Yampa eddagala erikkakkanya obulumi.

Wabula kino yakikola okumala ebbanga ng’antwala awutu naye nga buli lwe tugenda nziramu okutegeera nga ndi waka ku makya ate nga nnumizibwa mu bitundu eby’ekyama.

Kyansukkako ne mmutegeeza bwe nnali mbikooye era ne nsalawo okudda ewa maama mu kyalo e Mbarara.

Bwe natuuka mu kyalo, maama olwandabako yambuuza nti mwana wange oli lubuto? Namuddamu nti nedda wabula yantwala mu ddwaaliro okunkebera era ne bakamutema nti nnina olubuto lwa myezi 4.

Maama yangoba nzireyo ewa nnannyini lubuto era ne munnyonnyola bwe byali ate nga ne nnannyini lubuto simumanyi.

Yakubira ssenga eyantwala okukola n’abimuyitiramu, ssenga kwe kunzizaayo ewa mukama wange okumubuuza wabula n’abyegaana Ssenga yaloopa omusango ku poliisi ne bayita mukama wange ne babimubuuza era omusango n’akkiriza nti agumanyiiko era ebikolwa bino yabikolanga.

Wabula buli lwe tugenda ku poliisi ng’abaako ky’awa poliisi nga babuzaabuza omusango n’okutuusa kati tebatutwalanga mu kkooti.

Nsaba aboobuyinza munnyambe okutwala omukyala ono mu mateeka. Olubuto kati luwezezza emyezi mukaaga.

More From The Author

Emboozi z’omuwandiisi endala

Emboozi endala

Kiwa1 220x290

Mukyala w’omugagga Kiwanuka omukulu...

EBYA famire ya Mohan Kiwanuka byongedde okulanda mukyala mukulu bwavuddeyo n’ata akaka ku muggya we gwalumiriza...

Kenzomuzaata 220x290

Fr. Lokodo ayise Muzaata ku by’okujolonga...

MINISITA avunaanyizibwa ku empisa, Faaza Simon Lokodo, ayingidde mu by’omuyimbi Eddy Kenzo ne Sheikh Nuhu Muzaata...

Muza1 220x290

Abawagizi ba Kenzo balumbye amaka...

Abawagizi ba Kenzo balumbye amaka ga Sheikh Muzaata ne bakola efujjo nga bee

Mwana1 220x290

Abafumbo bakwatiddwa lwa kutulugunya...

Poliisi ekutte abafumbo n'ebaggalira lwa kutulugunya mwana.

Mutungo2jpgrgb 220x290

Agambibwa okukuba omuserikale akwatiddwa...

Timothy Lubega 27, ow'e Mutungo akwatiddwa poliisi y’e Mutungo ng'eyambibwako aba LC1 mu kitundu kino. Lubega okukwatibwa...