TOP

Abatalina busobozi baakuyambibwako okuzimba

By Musasi wa Bukedde

Added 16th April 2019

Abazadde abatalina buzobozi baakuyambibwako okusomesa abaana baabwe n'okuzimba enju.

Wakatiyemuyindidryadamramkumarwebuse 703x422

Dr. Yadam Ram Kumar ng'ayogera eri abazadde

Bya Madinah Sebyala

Ekibiina ekidduukirira abaana abateesobola ekya Youth Vulnerable Children and Orphans  Alliance  Africa (YVECO) kikoze omukago n’ekya Human Rights for Literacy Mission (HRLM) eky’e Buyindi okulaba nti abaana ba Uganda bafuna eddembe lyabwe ery'okusoma n'okubazimbira ennyumba mwe babeera nga bayita mu kibiina ekibayamba okutereka olwo bayambibweko abagabi b’obuyambi. 

Omusumba Aaron Siribaleka ow'ekkanisa ya Seek the Lord Ministries, Masaka era nga y'akulira  ekibiina kya Yveco yagambye nti, bakoze omukago guno n’aba HRLM ekikulirwa Dr. Yadam Ram Kumar  eyazze mu Uganda okulaba nti buli mwana mu Uganda afuna eddembe ly’okusoma n'okumuzimbira aw’okusula.

 musumba Omusumba Siribaleka (ku ddyo) ng'ayogera eri abazadde

 

Yagambye nti, kino baakikoze nga basoose ku bya njigiriza nga bakubiriza abazadde okutereka n'okwewola mu nkola gye batuumye Education Savings Bureau ng’omuzadde aliko ssente z'atereka nga bamaze okufuuka bammemba mu kibiina nga zino zijja kubayamba okusomesa abaana baabwe n'oluvannyuma ekibiina kibongereko.

Yayongeddeko nti, bakolagana n’ensi eziwerako omuli Canada, Amerika n'amalala okulaba nti omwana w'omuddugavu afuna eddembe lye mu kusoma n'okwebaka.

Yabadde ku Rest Gardens e Bweyogerere bwe baabadde mu musomo ogw’okumanya empeereza y’ekibiina kino. 

Dr. Yadam Ram Kumar, abantu baabuuzizza engeri gy'agenda okutuukiriza okuzimbira abantu amayumba n’abagamba nti bagenda kugula ettaka bazimbeko n'oluvannyuma abaagala ennyumba basasule mu kibanjampola ate abalina ettaka babazimbire ku bwereere.

More From The Author

Emboozi z’omuwandiisi endala

Emboozi endala

Sharifah1 220x290

Sharifah Kateete waakuvuga ddigi...

Wadde ng'olutalo ku ngule ya MX125 luli wakati wa Wazir Omar ne Fortune Ssentamu, Sharifah Kateete alayidde okubalaga...

Kasozi 220x290

Owa KCCA yeesunga kukaabya URA...

Oluvannyuma lwa Allan Okello, Charles Lukwago ne Nicholas Kasozi okukomawo, Mike Mutebi mugumu nti bagenda kulabya...

Ssengalogo 220x290

Ssenga nsobola okuloga omulenzi...

Mpulira bagamba osobola okuloga omusajja n’akwagala. Ggwe olina ku ddagala ssenga.

Ssengalogo 220x290

Mukazi wange alabika yayenda n’azaala...

Nnina abakyala babiri, mukyala muto ali mu kyalo naye kati omukyala oyo alabika ayenda era yazaala omwana mulenzi....

Ssengalogo 220x290

Emyezi ebiri sigenda mu nsonga...

Nneegatta oluvannyuma ne ngenda mu kalwaliro ne ngula empeke okwetangira okufuna olubuto naye kati mmaze emyezi...