TOP

Abazadde bawangulidde abaana baabwe ebirabo ku ssomero

By Musasi wa Bukedde

Added 9th December 2019

Omukulu w'essomero akakoze bw'addizza abazadde ebirabo n'abaleka nga bamutenda omwoyo gw'okuddiza

Abazaddenabongabavuganyamumpakazokuddukanolondaakapapulaobweddaobulimuebiraboebyenjawulowebuse 703x422

Abazadde nga badduka okulonda obupapula okwabadde kuwandiikiddwa ebirabo bye baawangudde

Bya Hafswa Nankanja

Abazadde bawangulidde abaana baabwe yunifoomu, bbasale, ebitabo, ekkalaamu ne ssente enkalu mu mpaka z’okudduka ezaabateereddwaawo omukulu w’essomero lya Brightway Nursery and Primary School e Nakuwadde – Bulenga, Moses Ibanda.

 baana nga bavuganya mu kukola obwangu okufuna akatebe basobole okuwangula Abaana nga bavuganya mu kukola obwangu okufuna akatebe basobole okuwangula

 

Abazadde baabadde balina okudduka nga balonda obupapula obwamansiddwa mu kisaawe kyonna nga buno kwe kwabadde bye baawangudde.

Bakira buli muzadde yeesomera ekirabo ekyabadde kiwandiikiddwa ku kapapula k'alonze.

Okuvuganya kuno baakukoledde ku kabaga k'amatikkira g'abayizi ba nnassale abaagenze mu P.1 akaabategekeddwa essomero, aka buli mwaka. Ku lunaku lwe lumu, abayizi ab'ebibiina ebirala kwe baayoleserezza ebitone eby'enjawulo ng'okujjuza eccupa ya sooda n’amazzi ng'okozesa sipongi, okuddukira mu kkutiya, okukozesa obwangu n'osooka banno mu katebe n'ebirala ebyanyumidde abazadde.

 bazadde nabasomesa nga basala keeki nabayizi baabwe abaamalirizza omutendera gwa nnassale okugenda mu 1 Abazadde n'abasomesa nga basala keeki n'abayizi baabwe abaamalirizza omutendera gwa nnassale okugenda mu P1

 

Ibanda yagambye nti, eno emu ku nkola zaabwe ze bayitamu okuddiza ku bazadde ababeesiga ne babakwasa abaana ab'ekisulo n'abava awaka omwaka ne guggwaako nga tewali atoma okuggyako okubongera abayizi abalala.

Ng'era okuvuganya bwe kuba, abazadde abamu baaviiriddemu awo olw'obupapula bwabwe okuba nga mu kifo ky'okuwandiikibwako ebirabo, ate bwo bakira busoma ebigambo nga; weebale kubeera muzadde mulungi, tukwagaliza omwaka omuggya ogw'essanyu, toggwaamu maanyi, ggwe muwanguzi w'omwaka ogujja n'ebirala.

 

More From The Author

Emboozi z’omuwandiisi endala

Emboozi endala

Fud1 220x290

Omugagga Ham awaddeyo obukadde...

Omugagga Ham awaddeyo obukadde 100 okudduukirira abali obubi olw'embeera ya Corona Virus

Denisonyango1703422 220x290

Coronavirus atta - Onyango

KAPITEENI wa Cranes, Denis Onyango, akubirizza Bannayuganda okwongera okwegendereza ssennyiga omukambwe 'COVID-19',...

Nakanwagigwebaalumyekoomumwa1 220x290

Emmere etabudde omukozi wa KCCA...

OMUKOZI wa KCCA alumyeko muliraanwa we omumwa ng’amulanga okutuma omwana okubba emmere ye, naye abatuuze bamukkakkanyeko...

Hell 220x290

Gav't etaddewo kampeyini ya ‘TONSEMBERERA’...

Gavumenti etaddewo kampeyini etuumiddwa “TONSEMBERERA” mw’eneeyita okutangira okusaasaana kwa ssennyiga wa coronavirus....

Apass1 220x290

A Pass yeegobye mu luyimba lwa...

A Pass atabukidde Bebe Cool ku luyimba lwa ‘Corona Distance’, amulanga kumugattika na Fresh Daddy gw'ayita kazannyirizi...