TOP

Abaana balabuddwa kumirimu egy'obulabe

By Christine Nakubulwa

Added 17th December 2019

Omubuulizi w'e Kabowa David Ssewagudde alabudde abaana abali mu luwummula obutakola buli mulimu kuba egimu si gya myaka gyabwe

Batobakuume5webuse 703x422

Omubuulizi Ssewagudde ng'ayogera eri abaana

Bya Lilian Nalubega

Abaana balabuddwa ku mirimu gye balina okukola mu biseera eby'oluwummula nti kubanga mingi gye bettanira ensangi zino gya bulabe eri obulamu bwabwe.

"Emirimu ng’okulonda ebyuma ebikadde ku byalo gye mubeera, ebicupa ebikozeseddwaako n'ebintu ng’ebyo bya bulabe eri obulamu bwammwe. Oluusi ebyuma bibeeramu bbomu nga zisobola okubakuba ne mufa ate nga n'ebimu biba bijama ekisusse nga bisobola okubalwaza ebirwadde ebiva ku bucaafu," Omubuulizi w’e Kabowa, David Ssewagudde bwe yalabudde bwe yabadde abuulira abaana aba Ssande School abeetabye mu kusaba ku kkanisa y'Omutukuvu Steven e Kabowa.

 bamu ku baana abaabadde mu unday chool e abowa Abamu ku baana abaabadde mu Sunday School e Kabowa

 

Ssewagudde yagambye nti, abaana bagwana kukuumibwa butiribiri mu biseera naddala bino eby'oluwummula era n'asaba abazadde okuba abasaale okukuuma abaana bano kubanga abamu n'emyaka gyabwe mito nga tebannasobola kwesalirawo na kwawula kibi ku kirungi.

Omusomesa wa Ssande School ku kkanisa eno, Theo Mukasa abazadde yabasabye bajjumbire enteekateeka z'obulabirizi basasulire era batwale abaana baabwe mu nkung’aana ezitegekebwa kkanisa.

Abaana baabuulirirwa ku mpisa ennungi era ne babuulirwa biki omwana omulungi by'afuna okuva eri abazadde abamuzaala ate n'abantu abalala.

 

 

More From The Author

Emboozi z’omuwandiisi endala

Emboozi endala

Sit114 220x290

Gavumenti etandikidde Bwaise okugaba...

Gavumenti etandikidde Bwaise okugaba emmere

Fud1 220x290

Omugagga Ham awaddeyo obukadde...

Omugagga Ham awaddeyo obukadde 100 okudduukirira abali obubi olw'embeera ya Corona Virus

Denisonyango1703422 220x290

Coronavirus atta - Onyango

KAPITEENI wa Cranes, Denis Onyango, akubirizza Bannayuganda okwongera okwegendereza ssennyiga omukambwe 'COVID-19',...

Nakanwagigwebaalumyekoomumwa1 220x290

Emmere etabudde omukozi wa KCCA...

OMUKOZI wa KCCA alumyeko muliraanwa we omumwa ng’amulanga okutuma omwana okubba emmere ye, naye abatuuze bamukkakkanyeko...

Hell 220x290

Gav't etaddewo kampeyini ya ‘TONSEMBERERA’...

Gavumenti etaddewo kampeyini etuumiddwa “TONSEMBERERA” mw’eneeyita okutangira okusaasaana kwa ssennyiga wa coronavirus....