TOP

Bannaddiini basabiddwa bongere ku njiri enyweza amaka

By Musasi wa Bukedde

Added 6th May 2019

Bannaddiini mwongere okubuulira enjiri enyweza amaka agasusse okusasika.

Webusebannadiniabakulembedwababishopabaawumulaokulibishopjacksonmatovunebishopkeefakamyangabasabiraamalaalogomugenzinnalongokasibantengayasikiddwagatrudenansimbi 703x422

Bannaddiini abakulembeddwa ba Bishop abaawummula okuli Bishop Jackson Matovu ne Bishop Keefa Kamya nga basaba ku malaalo g'omugenzi Nnaalongo Kasibante

Bya Madinah Sebyala

Oweekitiibwa Nelson Ssengendo Walusimbi, omuwi w’amagezi eri Kabaka ku nsonga z’ennono mu Lubiri asabye bannaddiini okwongera ku njiri y’okunyweza amaka g’agamba nti, geeyongedde okusasika.

Yagambye nti, amaka kikulu mu bulamu bw’omuntu nga y’ensibuko y’omukisa kyokka bannaddiini tebakoze kimala kulaba nti, amaka gayimirirawo mu ssanyu olwa bannannyini go okuva ku buwangwa n’ennono.

Oweekitibwa Ssengendo yagambye nti, yeewuunya, bannaddiini okubuulira enjiri nga n’amakanisa gameruka buli lukya kyokka ate amaka ne gongera okusasika n’asaba bannaddini bongere okunnyikiza ennono z’abantu be bakulembera baleme kufuula nnono bintu bya sitaani. Yawadde eky’okulabirako ky’olujjuliro, ekyoto, effumbiro nti bino byakola kinene okunyweza amaka kubanga bitendeka omuntu n’afuna ensonyi n’obuntubulamu.

Yabadde mu maka ga Mulongo Wasswa Drake e Kira - Butenga mu Munisipaali y’e Kira mu Disitulikiti y’e Wakiso bwe yabadde mu lumbe lw’omugenzi Eumeri Nakuya Kasibante Nnaalongo ku Lwomukaaga oluwedde.

Ate bannaddiini nabo abaakulembedde okusabira omugenzi n’okusabira omusika Gertrude Nansimbi abaakulembeddwa Bishop eyawummula eyali owa West Buganda Rt. Rev. Emeritus Jackson Matovu  ne munne  Rt. Rev. Bishop  Emeritus Dr. Samuel Keefa Kamya baakubirizza abakyala okuzaala abaana babayonse, babagunjule, babasomese n’okubateekateeka basobole okubagasa n’eggwanga.

Bishop Matovu, era yakubirizza abaana okusabiranga emyoyo gy’abagenzi bongere okufuna ekiwummulo eky’emirembe.

Mutabani w’omugenzi, Nathan Kaggwa era nga ye mutongole w’e Kira yatenderezza omugenzi Nnaalongo Kasibante okubeera omukazi omuzira bwe yasobola okuzaala abaana 16 n’abasomesa ate n’abateekateeka bulungi ekibasobozesezza okutambula obulungi mu nsi n’asaba Mukama amuwe ekiwummulo eky’emirembe.

More From The Author

Emboozi z’omuwandiisi endala

Emboozi endala

Kabuzi1 220x290

Uganda ekubye Malawi 2-0 n'ewaga...

MU Mupiira, waliwo enjogera egamba nti tewali buwanguzi bubi, wabula waliwo bw’otuuka ekiseera ng’olina okutunuulira...

Gendako 220x290

Engeri okwanjula kwa Hamza gye...

Ebika bibiri eky’Endiga n’Ekyolugave Rema mw’azaalwa byali tebimanyiganye era nga tebasisinkanangako.

Bwama 220x290

Rema annyonnyodde by'ayiseemu ng'anoonya...

Rema yabattottolera obuzibu bwe yayitamu ng’anoonya ekika kye. Nti olumu Rema yasisinkana Ssenga we Nabatanzi ku...

Laga 220x290

Rema yasoose kukolebwako mikolo...

E Kyengera mu wiiki eddirira emikolo, Rema yasoose kukolebwako mikolo gya buwangwa okwanjula Hamza, Rema yali ne...

Buuza 220x290

Embaga ya Rema eriko ebibuuza

Kirumira yagasseeko nti ennaku z’omwezi baakuzitegeeza abantu mu kiseera ekituufu; n’annyonnyola nti enteekateeka...