TOP

Okutendeka ttiimu eyo sikyakirabamu makulu - Matia Lule

By Musasi Wa

Added 28th December 2011

ABAKUNGU ba KCC FC, babadde bakyawoza gwa mbuzi kulinnya nju, embwa n’enywa ku luseke!

Bya Basasi Baffe

ABAKUNGU ba KCC FC, babadde bakyawoza gwa mbuzi kulinnya nju, embwa n’enywa ku luseke!

Nga bakyatuula obufoofofo olw’omutindo gwa ttiimu ogw’ekibogwe, omutendesi Sam Ssimbwa abadde atunuuliddwa okusikira Matia Lule eyawummuzibwa, abawanvuyizza.

Ssimbwa n’abakungu ba KCC beevumbye akafubo ku Lwomukaaga ne bakkaanya ku bukwakkulizo bw’okudda mu KCC wabula ensonda mu Express zaategeezezza nti nabo si beetegefu kumuta olw’omutindo ttiimu gw’eriko era bamusuubizza endagaano ensava. Express y’ekulembedde liigi ku bubonero 27.

“Aba KCC nabawadde bye nneetaaga ne twawukana era baagenze kwerowooza naye nze nkyali musanyufu mu Express,” Ssimbwa bwe yategeezezza.

Matia Lule takomawo: Ekibonerezo ky’emyezi ebiri aba KCC kye baawa Matia Lule (ku kkono), kiggwaako wiiki ejja kyokka yategeezezza nga bw’atali mwetegefu kuddamu kugitendeka.

“Tekikyakola makulu kubeera mu mitambo gya ttiimu eyo mu kiseera kino kuba enkambi bagitabuddetabudde nga si kyangu kugizza ngulu,” Lule bwe yategeezezza.

KCC yawummuza Lule n’omumyuka we Baker Mbowa banoonyerezebweko ku bigambibwa nti baakuma mu bazannyi omuliro okwediima olw’obutasasulwa misaala gyabwe.

KCC ekubiddwa emipiira ebiri egiddiring’ana (Maroons ne Proline) ekyatanudde abakungu okunoonya omutendesi omuggya nti Morley Byekwaso agikonya.  

 

 

Okutendeka ttiimu eyo sikyakirabamu makulu - Matia Lule

More From The Author

Emboozi z’omuwandiisi endala

Emboozi endala

Bujingo2703422 220x290

Bugingo ennyumba gye yazimbidde...

OMUSUMBA Aloysius Bugingo akudaalidde abantu ababadde balowooza nti, enju ye gaggadde gy’azimbira omugole Susan...

Lab2703422 220x290

Aba Ssebulime balangidde minisita...

FAMIRE ya Ronald Ssebulime banyiivu olwa kye baayise Minisita Nantaba okwongera okubalaata n’atuuka n’okujaguza...

Tta 220x290

Nantaba awadde Museveni amannya...

MINISTA Idah Erios Nantaba akaabidde mu kusaba mw’agambidde nti abaagala okumutta bali mu Gavumenti mwennyini era...

Lumba 220x290

Abadde afera abaagala Viza bamuyodde...

KITUUFU Kampala si bizimbe. Abantu basula bayiiya ng’ate abalala bafera bannaabwe okuba obulungi.

Kola1 220x290

Empeta za bba wa Babirye zibuzaabuza...

ABALONZI b’omubaka Paul Musoke Ssebulime owa Buikwe County North era bba w’omubaka omukazi owa Buikwe bali mu kwewuunaganya...