TOP

Abavuzi 42 battunka mu mpaka z’e Mbarara

By Musasi wa Bukedde

Added 30th January 2016

Mu basinze okwesungibwa abawagizi mwe muli ne Posiano Lwakataka, amaze emyaka ebiri ng’aleppuka n’emisango okutuusa lwe yejjeerezeddwa n’ayimbulwa nga tewali bujulizi.

Yawa 703x422

Lato Mbarara Rally

Leero (Lwamukaaga), za mwetooloolo:

Pine Ridge e Bwala - Masaka

Enkya (Ssande), za kafubutuko: Mbarara

ABAVUZI 42 basuze beeswanta n’okuwera nga bwe bagenda okuliisa bannaabwe enfuufu mu mpaka z’emmotoka eza NRC ezigguddewo kalenda y’omwaka guno (2016).

Mu basinze okwesungibwa abawagizi mwe muli ne Posiano Lwakataka, amaze emyaka ebiri ng’aleppuka n’emisango okutuusa lwe yejjeerezeddwa n’ayimbulwa nga tewali bujulizi.

Lwakataka yagambye nti akomyewo kufulula banne ababadde beeyita bakirimaanyi mu bbanga ly’atabaddeewo.

“Ntya Arthur Blick yekka kuba alina ekitone ekyenjawulo naye abalala temuli!” Lwakataka bwe yategeezezza Bukedde ku Lwokuna ng’awawula ekyuma kye (Subaru N8) mw’atadde ne yingini empya.

Mu balala abagenda okuttunka mwe muli; Arthur Blick (kyampiyoni w’empaka eziri ku kalenda ya NRC omwaka oguwedde), Desh Kananura, Musa Kabega, Ronald Sebuguzi, Nasser Mutebi, Duncan Mubiru ‘Kikankane’ (eyawangula ez’e Mbarara omwaka oguwedde), Leila Mayanja, Adam Rauf Essa, Kuku Ranjit, Edison Mungyereza, Ismail Ortega, Fred Wampamba, Wilbert Pole Pole, Christakis Fitidis, Geoffrey Nsamba ssaako Jas Mangat (akomyewo okuvugira mu Uganda) n’abalala.

Empaka zino za kkirommita 444.4. Leero ku Lwomukaaga zisookera Bwala, Masaka ku Pine Ridge (ez’omwetooloolo) ate ez’akafubutuko enkya za kuyindira mu bitundu by’e Mbarara.

More From The Author

Emboozi z’omuwandiisi endala

Emboozi endala

Afuddebulengabyjmutebi103945 220x290

Abafumbo baziyidde mu nnyumba omukyala...

Abafumbo baziyidde mu nnyumba omukyala n'afa! Babadde basiika kabalagala

Untitled1 220x290

Omuwala namuta ng’ammenya n’olungereza...

Nze Emmanuel Nayebale nga mbeera Kitintale mu Kampala. Bwe nnali naakatandika okwegomba n’okuyingira mu nsonga...

Ssenga1 220x290

Ssenga nnina amaanyi matono

Nnina obusajja butono ate bumpi kyokka n’amaanyi matono ddaala. Ssenga nkoze ntya?

6688203923901413243725744760079814268813312n 220x290

KCCA FC lubabu!

OLWESOZZE semi z'empaka za CECAFA, omutendesi wa KCCA, Mike Mutebi, n'agumya abawagizi ng'ekikopo bwe kibali mu...

Sozo 220x290

Omusu gunoonya kyamagero

TTIIMU y'Omusu ekyazizza Embogo, ng'enoonya kukola kyafaayo ky’okukyusa obuwanguzi bwa ggoolo 6-1, ezaabakubwa...