TOP

UCU tematidde She Corporates mu liigi y'abakazi

By Stephen Mayamba

Added 8th February 2016

OKUMEGEBWA She Corporates nga balowooza bagisinze ensumika kirumye aba UCU Lady Cardinals ne bawera nti kabalinde mu gw’okuddingana nga babakyazizza zidde okunywa.

Kazi 703x422

Abazannyi ba UCU ne She Corporates nga battunka ku kisaawe kya Posta e Nakawa. EKIF: STEPHEN MAYAMBA

She Mak. ST 0-1 Ajax Queens

Gafford ladies 1-0 Western United

Olira WFC 0-1 Mutesa Univ.

She Corporates 1-0 UCU lady Cardinals

Eastern Heroes 4 -1 London College

OKUMEGEBWA She Corporates nga balowooza bagisinze ensumika kirumye aba UCU Lady Cardinals ne bawera nti kabalinde mu gw’okuddingana nga babakyazizza zidde okunywa.

She Corporates yasoonye UCU ggoolo mu ddakiika ey’omukaaga eyateebeddwa Jackline Nassali n’egizibira okumala eddakiika 90.

Newankubadde UCU yanyigirizza n’ekola ennumba eziwera zonna, tezaavuddemu kalungi okukakkana nga bwonna obubonero busatu bannyinimu aba She Corporates babusigazza mu mupiira ogwazannyiddwa ku kisaawe kya Posta e Nakawa ku Ssande nga February 7, 2016 mu liigi y'eggwanga ey’omupiira  gw’abakazi eya  FUFA Women Elite League.

Mu mirala, She Mak St. yazzeemu okuvumbeera bwe yakubiddwa Ajax Queens 1-0 mu maka gaabwe e Makerere. Wiikendi ewedde Kawempe Muslim yabakubirawo 4-2.

E Soroti abagenyi aba London College obugenyi bwabakaayidde bannyinimu aba Eastern Heroes bwe  babaguddeko ekiyifuyiifu ne babawuttula ggoolo 4-1.

Yo Muteesa University yafunzizza bannyinimu aba Olira Women FC n'ebakuba 1-0 n'ebakwakkulako obubonero busatu.

E Kyebando, ggoolo ya Anniela Awimana ‘Neymar’ yayambye Gafford Ladies okufuna obuwanguzi obw’okubiri obwomuddiring'anwa nga bameze Western United okuva e Mbarara 1-0.

 

More From The Author

Emboozi z’omuwandiisi endala

Emboozi endala

Mala1 220x290

BUKEDDE W’OLWOMUKAAGA AFULUMYE...

Mulimu abayizi 5 abasinze mu buli ssomero mu disitulikiti ez’enjawulo. Tukugattiddeko n’ebifaananyi byabwe nga...

Morning 220x290

Obulamu bw’okweyombekera kkoyi...

OBULAMU obw’omu bumenya! Bayibuli ekirambika nti ekitonde ekisajja kineegattanga n’ekitonde ekikazi ne bakola obufumbo...

Ssenga1 220x290

Bakwana batya?

Ekizibu kye nnina kya nsonyi ate nga ndi muvubuka wa myaka 21. Ntya n’okugamba ku muwala yenna. Ssenga nsaba kunnyamba...

Yaga 220x290

‘Muntaase puleesa egenda kunzita...

MUSAJJA mukulu Ssaalongo Vincent Kigudde 78, awanjagidde akakiiko akabuuliriza ku mivuyo gy’ettaka kamuyambe ku...

Nyanzi 220x290

Dr. Stella Nyanzi alemedde e Luzira...

Dr. Stella Nyanzi ajeemedde ebiragiro bya kkooti bw’agaanye okulinnya bbaasi y’abasibe emuleeta ku kkooti nga bwe...