TOP

UgandaKCCA ne Vipers ziwadde Villa enkizo ku liigi

By Musasi wa Bukedde

Added 1st May 2016

UgandaKCCA ne Vipers ziwadde Villa enkizo ku liigi

Ka1 703x422

KCCA 0-0 Vipers AZAM Uganda Premier League yeeyongeddemu ebbugumu oluvannyuma lwa KCCA FC ne Vipers okulemagana (0-0) e Nakivubo ku Lwokutaano.

Ensiike yaabwe yabadde etunuuliddwa nti y'esalawo anaawangula ekikopo kyokka okubulako amegga munne kyawadde Express ne SC Villa ekyanya ky'okwegatta mu nsiitaano y'ekikopo. KCCA eri ku ntikko n'obubonero 52 mu mipiira 27 sso nga Vipers yaakubiri ku 46 mu mipiira 25

Singa Vipers ewangula emipiira ebiri KCCA gy'egisinza, baakwenkanya obubonero olwo asinza omugatte gwa ggoolo y'anaaba n'enkizo.

Amaliri ga ttiimu zino gaaleese Express ne Villa mu kibalo ky'ekikopo nga na zino singa ziwangula emipiira gye zisigazza, zifuuka kyampiyoni.

Express erina obubonero 45 mu mipiira 26 nga singa eba yakubye Bright Stars eggulo (Lwamukaaga) n'emirala esatu omuli KCCA, Villa ne Vipers, ejja kumalira ku bubonero 59 nga tewaba ayinza kubuweza kub abeera abakubye. Villa nayo wadde ekyali wansi olw'emipiira emitono gye yaakazannya, bw'ewangula emipiira gyonna 9 gy'ebuzaayo etwala ekikopo.

Erina obubonero 36 mu mipiira 21 nga singa yakubye BIDCO eggulo (Lwamukaaga) n'endala omuli KCCA ne Express, yaakumalako n'obubonero 63 nga tewaba ayinza kugikwata ku bonna abavuganya ku kikopo. Kino kitegeeza nti ensiike wakati wa ttiimu zino (KCCA, Villa, Express ne Vipers) zigenda kusalawo kinene kyampiyoni wa liigi.

WADRI AYIYEEYO VIPERS Singa Vipers esubwa ekikopo kino, abazannyi n'abatendesi baakukissa ku William Wadri eyabasubizza obuwanguzi ku KCCA. Ono yafunye omupiira n'asonga abazibizi, Ssaka Mpiima ne Ayiko kyokka mu kwagala okukuba omupiira mu nsonda eya waggulu mu ggoolo ya KCCA, yagukubye mu bire. Kino kyayogezza abamu ku bawagizi mu kusaaga nti "Omubiri gwavaayo naye omutima gwasigalayo". Wadri yali mu KCCA sizoni ewedde naye Mike Mutebi bwe yalya obutendesi n'amusalako.

Ku nzannya eyalagiddwa mu kisaawe, ttiimu zombi zaalemye okucamula abawagizi abangiko abaabadde e Nakivubo kuba amaanyi zaagatadde mu kuggumiza kisenge na kitongole kiwuwuttanyi ne okuyiiyiza abateebi bakubenga emipiira eri abakwasi ba ggoolo

More From The Author

Emboozi z’omuwandiisi endala

Emboozi endala

Salawo 220x290

BUKEDDE W’OLWOMUKAAGA AFULUMYE...

Bobi Wine alaze ky’agenda okuzzaako kyokka poliisi nayo erabudde aba People Power ku kugondera amateeka. Mulimu...

Giroud2 220x290

Besiktas eswamye Giroud okumuggya...

Giroud, yali omu ku bazannyi abaayamba Bufalansa okusitukira mu World Cup mu July wabula mu Chelsea, ennamba etandika...

Herreranerojo1 220x290

Abazannyi 4 ogwa ManU ne Wolves...

Rojo tannatereera bulungi buvune wabula okudda kwa Phil Jones kwakuggumiza ManU.

Meeyassenoganomumyukawekansalakaggwangaayogeramulukiikolwampigitowncouncil 220x290

Kirumira bamubbuddemu oluguudo...

Abakiise batenderezza Kirumira omwana waabwe enzaalwa y’e Mpambire mu Mpigi Town Council okubeera omusaale mu kutunda...

Omuvubukaabaddeyefuddeomulalungalikukabangaliyapoliisiempigi 220x290

Yeefudde omulalu n’ayingira ofiisi...

Omuvubuka ono yasoose kwesuula mu kidiba ky’ebbumba mu kabuga k’e Mpigi kyokka poliisi y’e Mpigi n’emunnyululayo...