TOP

Vipers ekubye Express n’erengera ekikopo

By Musasi wa Bukedde

Added 4th May 2016

Vipers ekubye Express n’erengera ekikopo

Vi1 703x422

Aggrey Madoi (ku kkono) owa Vipers ng’attunka ne Musa Mukasa owa Express eggulo. Vipers yagobye 1-0.

Vipers 1-0 Express

SC Villa 0-2 Saints

Sadolin 0-0 URA

ABAZANNYI ba Express baalemeddeko okumala eddakiika 86 kyokka ng’ebula ssatu zokka baasumagidde Vipers n’ebateeba olwo ne babakuba olube nti, “Ssente ky’eremwa ow’enkata tazinga.” Vipers FC ey’omugagga Lawrence Mulindwa, ye yabawangudde eggulo (1-0) mu mupiira gwa liigi ya babinywera ogwazannyiddwa e Buikwe.

Abawagizi okujuliza olugero lwa ‘Ssente ky’eremwa...!”, kyaddiridde aba Express okuwaga nti wadde wiiki ewedde Mulindwa yabawadde obukadde 10, emijoozi n’engatto, baabadde bagenda kufiira ku ttiimu ye bagimegge kubanga bo bakolerera kikopo.

Sadam Juma ye yateebye ggoolo oluvannyuma lwa Erisa Sekisambu, eyaliko mu Express okusindirira ennyanda eya wansi, n’erema Ali Kiggundu mu miti okunyweza ng’ebula eddakiika ssatu omupiira guggwe.

Essanyu eringi erya ggoolo eno lyaweesezza Saddam kaadi eya kyenvu okuva ewa ddiifiri Ali Sabira olw’okugyaguza ng’aggyamu essaati kyokka kino ye ne Vipers yonna kyabalumye kitono olwa ggoolo eno eyabatangaalizza emikisa gy’ekikopo.

Baggye Express mu kyokubiri nga baawezezza obubonero 49 mu mipiira 26 era singa bawangula ogumu KCCA FC gw’ebasinza, baakwenkanya obubonero (52).

Vipers yafunye essanyu lya nnabansasaana kubanga SC Villa, bwe bali mu lwokaano lw’ekikopo, baagitunulizza ebikalu e Nakivubo. Saints FC, erwana okusigala mu Azam Premier League, ye yakubye Villa (2-0) n’emenyawo ne likodi ya Ibrahim Kirya ey’obutakubwa mu liigi bukya asikira Muzungu Antonio Flores ku butendesi obujjuvu. Express yasigadde ku bubonero 48 mu mipiira 27 sso nga Villa erina 36 mu mipiira 22.

More From The Author

Emboozi z’omuwandiisi endala

Emboozi endala

Kibowa13webuse 220x290

Abakyala mwekolemu ebibiina mufune...

Abakyala b'e Mukono bakubiriziddwa okwekolamu ebibiina bafune ku ssente za Gavumenti ezitaliiko magoba n'okuwagira...

Acaya1webuse 220x290

Omuyizi akoze mmotoka ne yeewuunyisa...

Omuyizi Francis Ocaya akoze mmotoka ne yeewuunyisa Ababaka ba Palamenti ne bamusuubiza omulimu

Abamukubamusigansimbiabataddemuensimbiokuzimbazikabuyonjongabawayaamunabamukubaanawebuse 220x290

Temusimbira nkulaakulana kkuuli...

Abagirimaani bazimbidde essomero ly'e Ntenjeru kaabuyonjo ey'omulembe

Omulyangogwambabaziogwateeredwaakoebyokoolawebuse 220x290

Ebigambibwa okuba ebyokoola bisasamazza...

Omusaayi ogumansiddwa ku luggi lw'omutuuze nga kuliko ebbaluwa etiisatiisa okufa okumusemberedde bisattizza ab'e...

Abolukiikolwamukonodevelopmentforummdfngabatandiseokukolaemirimugyabwe 220x290

Olukiiko oluyamba Mmeeya okukulaakulanya...

Olukiiko olw'okuyambako Mmeeya w'e Mukono okukulaakulanya ekibuga lusomeseddwa ku nkola y'emirimu gyalwo