TOP

Kabaka asiimye okuggulawo empaka z'amaato

By Musasi wa Bukedde

Added 18th May 2016

Kabaka asiimye okuggulawo empaka z'amaato

Kab1 703x422

Kabaka

ENTEEKATEEKA z’empaka z’amaato ga Kabaka ez’Amasaza zigenda bukwakku era ssentebe w’akakiiko akaziddukanya, Ying. Ben Misagga akakasizza nti Olwokutaano (May 20) we lunaatuukira nga ziwedde.

Ku Lwomukaaga, ttipa zaatandise okuyiwa amayinja okusindiikiriza amazzi mu bifo eby’entobazzi ku lubalama lw’ennyanja okusobozesa Kabaka okunyumirwa amaato era nga y’asuubirwa okusooka okukuba enkasi okuggulawo empaka zino ezimaze emyaka musanvu nga tezitegekebwa.

Ying. Misagga ategeezezza nti alina akakiiko akamanyi kye kakola nga buli muntu aweereddwa obuvunaanyizibwa obw’okutuukiriza.

Akulira Bulungibwansi, Deo Luyimbazi eyaliko maneja wa SC Villa agambye nti baatandikidde ku kuzimba lutindo (Jalaja) oluzimbiddwa ab’Emmamba nga Kabaka kw’anaayita okwesogga ennyanja n’okusimbula amaato gano mu butongole ku Lwomukaaga nga May 21.

Solomon Muwonge, akulira ebyekikugu agambye nti amasaza gonna 18 gaamaze okukakasa okwetaba mu mpaka zino nga batandise n’okubangulirwa. “Tulina amaato ag’enkasi aga bulijjo, aga yingini wamu n’agenkasi Amazungu agavuganyizibwamu mu mizannyo gya Olympics”, Muwonge, era nga ye nnannyini Garuga Sailing Club e Ntebe bwe yategeezezza.

 alaja ezimbiddwa okuyingira mu mazzi mabega kyekizinga ulingugwe Jalaja ezimbiddwa okuyingira mu mazzi. Emabega ky’ekizinga Bulingugwe.

 Yagasseeko nti leero Abazungu lwe basuubirwa okujja okubangula abavuzi wamu n’owabula ku ntegeka y’empaka. Bava okuva e Bungereza, Botson ne New YorkEmpaka zaakwetooloola ekizinga Bulingugwe nga basuubira nti okukyetoloola ziri kitomita nnya era okusinziira ku Haji Abass Ssebandeke omu ku baakakiiko, omuvuzi adduka ennyo kimutwalira eddakiika 45 okukikola.

Buli ssaza lyakuleeta abavuzi 10 batandike envuga ez’okusunsulamu ku Lwokutaano era zino zaakulabirwa bwereere. Ku Lwomukaaga envuga za fayinolo lwe zitegekeddwa ng’abalabi baakusasula 10,000/- okuyingira ku mwalo e Munyonyo (Mulungu) okusanyuka ne Kabaka. Misagga yategeezezza nti omuntu anaasooka okutuuka we yasimbulidde ne yeeyala mu maaso ga Kabaka y’agenda okubalibwa ng’omuwanguzi.

Yayongeddeko nti eryato lya yingini ligenda kuvugibwa omuntu omu ery’enkasi 10 sso nga ery’empewo ligenda kubaako abantu musanvu. Kyaddondo be balina ekikopo kye baawangula mu 2009 empaka lwe zaasemba okutegekebwa.

More From The Author

Emboozi z’omuwandiisi endala

Emboozi endala

Civil 220x290

Omukazi atagambwako yali antamizza...

ENNAKU gye ndabidde mu nsonga z’omukwano mpitirivu era nabulako katono okugwenenya.

Funa 220x290

Eyantwala ku yunivasite yanzitattana...

NZE Jennifer Alwoch 26, mbeera ku kyalo, Adyel mu Lira. Bazadde bange bampeererako okutuuka mu S6 naye ssente ezinyongerayo...

Ssenga1 220x290

Lwaki mpulira sirina maanyi ga...

SSENGA mpulira nga sirina bulungi maanyi ga kisajja. Naye bwe neegatta amaanyi ngafuna bulungi naye ndowooza nti...

Ssenga1 220x290

Ensundo ya muganzi wange entiisa...

SSENGA nnina omuwala gwe njagala naye alina ensundo empanvu ku kisambi. Mugamba agende mu ddwaaliro agamba nti...

Buget 220x290

Palamenti eyisizza bajeti ya 2019/20...

PALAMENTI eyisizza bajeti y’omwaka gw’ebyensimbi ogujja ogwa 2019/2020 nga ya Tuliliyooni 40 (Bwe buwumbi emitwalo...