TOP
  • Home
  • Ebikonde
  • Golola afuntudde Munnakenya n'acamula Bannamityana

Golola afuntudde Munnakenya n'acamula Bannamityana

By Silvano Kibuuka

Added 30th May 2016

Moses Golola acamudde Bannamityana bw’awangudde Munnakenya Waina Yina mu bikonde eby’ensimbi ku ggombolola ya Busimbi mu kiro ekikeesezza Mmande ku bubonero 120 -108 mu nkontana 4.

Kuba 703x422

Ebivudde mu bikonde:

Moses Golola 120 (Ug) Waina Yina (Ken) 108

Ebyasoose:

Rogers Semitala akubye Jawal Kalenzi K.O

Moses Golola acamudde Bannamityana bw’awangudde Munnakenya Waina Yina mu bikonde eby’ensimbi ku ggombolola ya Busimbi mu kiro ekikeesezza Mmande ku bubonero 120 -108 mu nkontana 4.

Kati Golola alina ennwana 4 zonna z’awangudde ng’agamba nti ayagala kusoomooza ngule ya ggwanga omwaka guno.

Oluwangudde era n’atongoza ettendekero ly’enizannyo erya 'Golola Talent Academy' e Mityana ng’alitadde mu mikono gy’abatuuze era omubaka wa Palamenti, Godfrey Kiwanda n'asuubiza okuba omusaale okutumbula ebitone bya bamusaayimuto mu mizannyo guno.

Azzaako Mubende nga June 25.

Agambye nti tagenda kukoma ku bikonde na nsambaggere wabula n’emizannyo emirala nga Karate, Tae Kwondo n’emirala naddala egizannyibwa mu Olympics.

Akoowodde ebitongole okwegatta ku Rock Boom, Fran Horizion, Hon. Godfrey Kiwanda ne Franses Ddungu okutumbula academy z’emizannyo z’agenda okutandikawo mu bitundu bya Uganda ebyenjawulo.

“Njagala mpeze ennwana 6 nsomooze engule ya Uganda nzizeeko eya East Africa kubanga ez’ensambaggere nnatuuka ku ntikko. Njagala era ntambuze academe okutumbula ebitone mu ggwanga lyonna mu mizannyo egitali gimu,” Golola bwe yategeezezza.

Mu by’ensimbi ebyasoose, Rogers Semitala okuva e Kampaka yawangudde Jawal Kalenzi bwe yamukubye K.O mu lukontana  olwokubiri.

Abazannyi okuva e Mityana, Mubende ne Luwero abaawangudde ye Christopher Muddu, Derrick Trouble, Vincent Balitenda, Charles Senyonjo, John Garang, Deus Senyonjo, John Kabaata Bogere, Ismail Kasibante, Job Sewanyana ne Hussein Kiwoko.

More From The Author

Emboozi z’omuwandiisi endala

Emboozi endala

Sit2 220x290

Omugagga akubye omutemu n’amusuuza...

Omugagga akubye omutemu n’amusuuza emmundu

Sev2 220x290

Museveni atabukidde Katikkiro Mayiga...

Museveni atabukidde Katikkiro Mayiga ku by'emmwaanyi

Det2 220x290

Teddy afulumizza ekiwandiiko ku...

Teddy afulumizza ekiwandiiko ku bya bba Bugingo

Kop2 220x290

Owa bodaboda gwe baakuba ennyondo...

Owa bodaboda gwe baakuba ennyondo alojja

Lap2 220x290

Eyatuga owa bodaboda asonze ku...

Eyatuga owa bodaboda asonze ku munene gw’akolera