TOP

Nannyondo yesozze eza Olympics

By Teddy Nakanjakko

Added 13th June 2016

OBUMMALIRIVU n’okumanya ky’aluubirira by’ebimu ku byayambye omuddusi Winnie Nannyondo okwesoga emizannyo gya Olympics eginaabaawo mu August w’omwaka guno mu kibuga Rio ekya Brazil.

Nanyondowinsbronzein800mwomen16 703x422

Nannyongo lwe yawangula omudaali mu mpaka za Common Wealth

Mmita 800

1              NANYONDO Winnie      Uganda                2: 00:57

2              Eykens Renée                   Belgium               2: 01:34

3              BOBOCEA Claudia            Romania              2: 01:49

 

OBUMMALIRIVU n’okumanya ky’aluubirira by’ebimu ku byayambye omuddusi Winnie Nannyondo okwesoga emizannyo gya Olympics eginaabaawo mu August w’omwaka guno mu kibuga Rio ekya Brazil.

Nannyondo okuva e Mityana nga yawangulira Uganda omudaali gw’ekikomo mu mmita 800 mu mpaka za Commonwealth, yeesoze Olympics oluvanyuma lw’okuwangula ekibinja eky’okubiri mu mpaka za Golden Spike ez’omulundi ogwa 45 ezaabadde mu kibuga Leiden ekya Budaaki ku Lwomukaaga ekiro.

Mmita 800 yaziddukidde eddakiika 2:00:57 n’atuusa obudde obwetaagisa mu Olympics obwa 2:01.50 era mu ssanyu eringi yeebazizza Mukama olw’ekitone , omutendesi , b’atendekebwa nabo, abamuteekamu ensimbi aba Global Sports Communication na bonna abamuyambye okutuuka ku kino.

Mu ngeri y’emu n’omuddusi omulala Moses Kurong naye mu mpaka z’ezmu yakutte kyakubiri mu mmita 10,000 nga zino yaziddukidde eddakiika 27. 27.43 naye ne yeesoga Olympics mu mmita zino.

Omuwendo gw’abaddusi abaakatuusa obudde obwetaagisa mu Olympics gweyongeddeko nga kati baweze 18 nga ku bano abeetoloola ebyalo oba Marathon baakutwaloko bana.

Abatuusizza obudde kuliko Stephen Kiprotich, Robert Chemonges, Jackson Kiprop, Solomon Mutai, Abraham Kiplimo, Alex Chesakit ne Moses Kipsiro  ba misinde gya kwetoloola byalo (Marathon) naye nga ku bano kwakulondebwako abaddusi bana abali ku foomu, Adero Nyakisi, Peruth Chemutai, Benjamin Kiplagat, Ronald Musagala, Phillip Kipyeko, Joshua Cheptegei, Timothy Toroitich, Stella Chesang  ate abazannyi b’ebikonde bali  babiri okuli Ronald Serugo ne Kenneth Katende.

 

More From The Author

Emboozi z’omuwandiisi endala

Emboozi endala

Lab2 220x290

Ekibiina ekigatta bannannyini mawoteeri...

Ekibiina ekigatta bannannyini mawoteeri kivuddeyo ku bye bbibiro lya Murchion Falls

Afiiriddemukkanisa3 220x290

Afiiridde mu kkanisa

Poliisi y’ekitundu ereese kabangali okutwalirako omulambo mu ggwanika kyokka abagoberezi ne bagiremesa nga bagamba...

Dsc8388 220x290

Weewale okukuba endobo mu mmotoka...

N (Neutral) baagiteeka mu mmotoka si kugikozesa kukuba ndobo wabula kwawula D (Drive) ne R (Reverse).

Abasubuuzingabatunuliraemaaliyabweeyayidde2 220x290

Omuliro gusaanyizzaawo ekibanda...

Bano balumiriza omukulu w’essomero lya Biral P/S, Tekana Bruhan erisangibwa e Bwaise okuba emabega w’okwokya ekibanda...

Lop2 220x290

Ssebo Square Milez omukono teguwaba...

Ssebo Square Milez omukono teguwaba