TOP

Ddiifiri omutuufu alina okubangulwa

By Musasi wa Bukedde

Added 14th June 2016

Ddiifiri omutuufu alina okubangulwa

Tom1 703x422

Ali Tomusange

Baddiifiri mu nsi yonna bayita mu buwonvu na bukko okutuuka ku ntikko! Baddiifri be mulaba batandikira wansi nnyo ne balinnya mpola amadaala okutuuka buli omu w’abeegombera.

Mu Uganda, ddiifiri atandikira ku ddaala lyakusatu, n’akuzibwa n’adda ku ddaala eryokubiri olwo n’agenda ku lisooka. Bw’akola obulungi, FUFA eweereza erinnya lye mu FIFA n’emukakasa ku lukalala lwa baddiifiri abamulamula mu nsi yonna.

Batuula ebigezo ebiwandikibwa n’eby’okubuuza nga ddiifiri ayanukula. Oluvannyuma bazzaako eby’oku kisaawe okuli okubeekebejja omutindo. Ku nkomerero ya wiiki ewedde, baddiifiri baakoze ebigezo ebibatwala ku madaala eg’enjawulo. Bano buli mwezi balina okukola ebibuuzo bisatu ne babiweereza mu CAF ne FIFA. Ataweereza abeera mu buzibu.

Ku ntandikwa y’omwaka guno, FIFA yaweereza buli omu essaawa ey’omulembe nga yaakukozesa nga bali mu kutendekebwa. Essaawa eno kompyuta yennyini ekwata buli kalonda ow’omu kutendekebwa era babiweereza omusomesa waabwe atuula e Malawi. Waliwo omu ku bo (amannya ngalese) ate y’essaawa gy’alina, atendekebwa bamulaba. Ffirimbi awo w’etuuse kati. Wadde ebigezo byonna, bikolebwa naye tebimala.

Ddiifiri yenna akuzibwa, ateekeddwa okuba ng’okulamula omupiira akusoboka era kino kye kigezo ekisooka! Kyangu okuyita ebibuuzo mu kibiina nga mu kisaawe tosobola. Era kyangu okufuna omulungi ku kisaawe naye nga tasobola bibuuzo bya mu kibiina!

Baddiifiri ab’ekika ekyo tebakuzibwa! Akuzibwa yooyo asobola byombi. Baddiifiri baffe abaakoze ebigezo bino, mbaagaliza mikisa mubiyite era mukuzibwe

More From The Author

Emboozi z’omuwandiisi endala

Emboozi endala

Bim1 220x290

kkooti ewadde ekiragiro ku mpaka...

kkooti ewadde ekiragiro ku mpaka z'obubina

Lop1 220x290

Eyawambye omwana ku ssomero n'asaba...

Eyawambye omwana ku ssomero n'asaba ssente poliisi emukutte

Kis1 220x290

Omulimu gw'okuzimba ekisaawe kya...

Omulimu gw'okuzimba ekisaawe kya Nakivubo gutambula bulungi

Sarangabaagaembuzinekikondekyekunokwebayitaokugikubaekikondeweb 220x290

Ntunda mitwe gya mbuzi okuweerera...

Emitwe gy'embuzi gye nsasulwa mu kuzibaaga mwe mpeeredde abaana n'okwongerako emirimu emirala.

United1 220x290

Kiikino ekizembe kw’olabira Dubai...

DUBAI eyongedde okussaawo likodi! Ku kizimbe ekisinga obuwanvu mu nsi yonna, egasseeko ekizimbe ekyakulanga “Fuleemu”...