TOP

Abaddusi 11 bagenda South Afrika kulwanirira Olympics

By Teddy Nakanjakko

Added 15th June 2016

PULEZIDENTI w’akakiiko ka Olympics mu ggwanga William Blick, asabye abaddusi abagenda okukiikirira Uganda mu mpaka za Afrika ezitandika ku Lwokusatu nga June 22 okutuuka June 26, 2016 mu kibuga Durban ekya South Afrika okusaayo nnyo omwoyo n’okulwana okulaba nga batuusa obudde obwetaagisa okukiika mu Olympics eza August.

Mandephillip 703x422

Kipyego ne Mande abamu ku baddusi abagenda e South Afrika okukiikirira Uganda mu mpaka za Olympics

PULEZIDENTI w’akakiiko ka Olympics mu ggwanga William Blick, asabye abaddusi abagenda okukiikirira Uganda mu mpaka za Afrika ezitandika ku Lwokusatu nga June 22 okutuuka June 26, 2016 mu kibuga Durban ekya South Afrika okusaayo nnyo omwoyo n’okulwana okulaba nga batuusa obudde obwetaagisa okukiika mu Olympics eza August.

Blick eyasisinkanye abamu ku baddusi bano e Lugogo ku Lwokubiri yagambye nti yeetaaga okubeera ne ttiimu ennene mu Olympics ezigenda okuba mu kibuga Rio De Janerio ekya Brazil n’abasaba okukuumira bbendera ya Uganda waggulu kuba guno gwe mukisa gwokka gwe balina.

Abaddusi 11 be baalondeddwa akakiiko k’ekikugu mu kibiina ekifuga emisinde mu ggwanga ekya UAF okukiikirira eggwanga mu mpaka za Afrika ez’omulundi ogwa 20.

Mu bano kuliko,Halima Nakaayi (800m), Mildred Gamba(100m), Shida Leni(400m), Pius Adome(200m), Abdallah Mmande Kibet(10,000m), Leonard Opiny (400m), Lucy Aber (wa lunnyago), Janet Achola(1500m), Jacob Araptany (3,000m SC), Racheal Zena ne Phillip Kipyeko (5,000m) ng’ono yatuusa dda obudde obumwetaagisa mu Olympics wabula yateereddwaako okulaba foomu gy’aliko okusinziira ku pulezidenti wa UAF, Dominic Otuchet. Bano baakukulemberwa omutendesi Gordon Ahimbisibwe.

Pulezidenti w’ekibiina, Otuchet yagambye nti basuubira abaddusi bano okukola obulungi nga bakozesa omukisa guno okulaba nga batuusa obudde obwetaagisa okukiika mu Olympics kuba olunaku olwa nsalesale July 11, 2017 lusembedde.

Amawanga 43 ge gagenda okwetaba mu mpaka z’e South Afrika ng’abaddusi 719 be balwanirira engule ya Afrika okusinziira ku kakiiko akategesi e Durban.

More From The Author

Emboozi z’omuwandiisi endala

Emboozi endala

Han1 220x290

Minisita w'ebyemizannyo omuggya...

Minisita w'ebyemizannyo omuggya Hanson Denis Obua asiimye omulimu ogukoleddwa Omugagga Ham ogw'okuzimba ekisaawe...

Bbomu3 220x290

Omuyeekera aweddeyo eby'okulwanyisa...

AGAMBIBWA okubeera omuyekera w’akabinja ka M23 eyayingira mu ggwanga nga yefudde abundabunda ne yewaayo mu mikono...

Poliisi yeezoobye n'aba Bodaboda...

POLIISI ekubye omukka ogubalagala mu bavuzi ba bodaboda mu Kampala okubagumbulula bwe babadde bagezaako okulaga...

Yasanze malaalo ng’atutte ebya...

EYASIBA sumbuusa nga tayogera na mwagalwa we baakamutemye atutte kimuli kya Valentine nti oli yafa dda!

Chrisevans 220x290

Chris Evans agaanyi okuddamu okuyimba...

NGA Chris Evans tannasimbula kugenda Masaka mu kivvulu kya Rema Namakula ekyabadde ku Maria Flo, maneja wa Rema,...