TOP
  • Home
  • Ebyemizannyo
  • Amasomero 32 gagenze Kenya kwetaba mu mpaka z'amawanga g'Obuvanjuba bwa Afrika

Amasomero 32 gagenze Kenya kwetaba mu mpaka z'amawanga g'Obuvanjuba bwa Afrika

By Silvano Kibuuka

Added 25th August 2016

Minisita w’eggwanga ow’emizannyo, Charles Bakkabulindi asiibudde bamusaayimuto ba Uganda abasobye mu 150 okuva mu masomero 32 abagenze e Kenya okuvuganya mu mpaka z’amasomero g’obuvanjuba bwa Africa ezimanyiddwa nga East Africa Secondary Schools Sports Association.

Schoolsoffminister1 703x422

Minisita w'emizannyo Charles Bakkabulindi ng'akwasizza bakapiteeni ba ttiimu za Uganda ez'abayizi abagenda mu mizannyo gya East Africa Aug 24 2016. (Ekif:Silvano Kibuuka)

Minisita w’eggwanga ow’emizannyo, Charles Bakkabulindi asiibudde bamusaayimuto ba Uganda abasobye mu 150 okuva mu masomero 32 abagenze e Kenya okuvuganya mu mpaka z’amasomero g’obuvanjuba bwa Africa ezimanyiddwa nga East Africa Secondary Schools Sports Association.

Empaka zino za mulundi gwa 15 nga zigenda kubumbujjira mu kibuga Eldoret ekya Kenya era ziggyibwako akawuuwo enkya ku Lwokutaano nga bavuganya mu mizannyo egitali gimu okumala wiiki bbiri.

Bwe yabadde akawasa ba kapiteeni Maureen Banura (ow’abawala) ne Samuel Oweka (o’wabalenzi) bendera, Minisita yabakuutidde okwerabira ebyabadde mu Brazil Uganda bw’etaawanguddeyo mudaali wabula bakolerere okwesasuza eri Bannakenya b’agamba nti baatutte omudaali gwa Stephen Kiprotich.

Bagenze kuvuganya mu mupiira gw’abalenzi, okubaka, basketball, volleyball, okuwuga, rugby, ttena y’oku mmeeza , okudduka n’emizannyo gy’omu kisaawe omuli; okubuuka, okukasuka ennyago n’emirala.

Ekibinja kya Uganda kikulembeddwa Haji Ali Mugagga, akulira essomero lya Kibuli Muslim SSS.

“Tusuubira okuvuganya okw’amaanyi mu mizannyo gino. Uganda tulonze ttiimu ez'amaanyi nga bazze bavuganya mu mizannyo gy’amasomero era tututte ezo zokka ezaawangula,” Justus Mugisha, pulezidenti w’ekibiina kya East Africa Secondary Schools Sports Association bwe yategeezezza.

Buli ssomero lyefunira entambula erituusa mu mpaka e Kenya ttiimu gye zigenda okwegattira okuvuganya.

Uganda yategeka empaka zino mu 2014 ate ng'omwaka oguwedde zaabadde Bujumbira mu Burundi.

More From The Author

Emboozi z’omuwandiisi endala

Emboozi endala

Soma 220x290

‘Abaami mmwe mutabangula amaka’...

ABAKULEMBEZE n’abatuuze mu tawuni kanso y’e Luuka boolese obwennyamivu olw’omuwendo gw’amaka agasasika okweyongera...

Leo 220x290

Omusibe atolose ku baserikale abatuuze...

ABATUUZE ku kyalo Kimuli mu ggombolola y’e Maanyi mu disitulikiti y’e Mityana bavudde mu mbeera ne basuulira poliisi...

Sevo1 220x290

Aba NRM mu Buganda batongozza Museveni...

ABAKULEMBEZE ba disitulikiti za Buganda eziwera 10 bakwasizza Pulezidenti Museveni ekkanzu eya kyenvu, ekyanzi,...

Tta 220x290

Eyatta owa bodaboda akkirizza okutuga...

Poliisi: Okimanyi nti obadde onoonyezebwa? Omusibe: Nkimanyi, kubanga akatambi akaatuleetera obuzibu nange nakalabako...

Pastorbugingo2703422350250 220x290

Bugingo asekeredde abaamututte...

Bugingo yasinzidde mu kusaba kw’omu ttuntu n’ategeeza nti tewali agenda kumugaana kwogera. Era ye talina muntu...