TOP

Bamusaayimuto bagenda kulaga ebitone mu Cricket

By Silvano Kibuuka

Added 2nd September 2016

Empaka za Cricket w’amasomero ga ssiniya ag’abalenzi ezituumiddwa Pepsi and Bankstown Cricket Club Sydney zirangiriddwa okutandika ku Lwokumaaga luno zikomekerezebwe nga September 9.

Cricketpepsiboysschoolslaunch1 703x422

Abamu ku bayizi abagenda okwetaba mu mpaka za Cricket wa Pepsi Boys Schools Cricket Week nga balaga ebikopo n'ebimu ku bikozesebwa bwe babadde batongoza empaka zino eza buli mwaka.

Empaka za Cricket w’amasomero ga ssiniya ag’abalenzi ezituumiddwa Pepsi and Bankstown Cricket Club Sydney zirangiriddwa okutandika ku Lwokumaaga luno zikomekerezebwe nga September 9.

Amasomero 12 okuva nga ge gaawangudde empaka za ‘lijoni’ ezeetabiddwaamu amasomero 31 ge gagenda okuvuganya mu nzannya ez’akamalirizo nga zigenda kuzannyirwa ku bisaawe bitaano.

Bino kuliko Lugogo, Kyambogo, King College Buddo (ku bisaawe bibiri) ne Gayaza High nga ttiimu zaakusuzibwa ku ssomero lya Makerere College School.

Amasomero agaayiseemu okuva mu Central Region ye Kololo SSS, Ndejje SSS, Rainbow International, Mukono Parents School ne King College Buddo.

Mu Bugwanjuba waavuddeyo Ntare School ne Nyakasura School so nga mu Buvanjuba wavuddeyo Jinja SSS, St. James SSS ne Busoga College Mwiri, abaakiwangula omwaka oguwedde.

Okuva mu ‘ligoni’ ya Soroti wavuddeyo Teso College Aloet nga kwe kwegasse Masaka SSS okuva mu Bugwanjuba obw’amaserengeta.

Akulira enzirukanya y’emirimu mu Uganda Cricket Association, Justine Ligyalingi agambye nti mu mpaka zino bagenda kulondamu ttiimu emu eneetwalibwa e Kenya okuvuganya n’eneeba erondeddwa okuva era mu mpaka z’amasomero okuva mu ggwanga eryo.

“Empaka era zijja kuganyula nga tulondamu abazannyi ba ttiimu z’eggwanga okuli ey’abali wansi w’emyaka 17 ne 19 ne kiraabu zironde abazannyi abanaazannyira ttiimu za liigi,” Ligyalingi bw’ategeezezza.

Empaka ze zimu ez’abawala zaazannyibwa mu luwummula lwa ttaamu esooka.

 

More From The Author

Emboozi z’omuwandiisi endala

Emboozi endala

Liv1 220x290

Ssente za Pulezidenti zitabudde...

Ssente za Pulezidenti zitabudde aba taxi b’e Kamwokya.

Jip1 220x290

Ekyabadde mu kutuuza Bisopu w'Abasodokisi...

Ekyabadde mu kutuuza Bisopu w'Abasodokisi e Gulu

Mot2 220x290

Muganda wa Ssemwanga naye bamukutte...

Muganda wa Ssemwanga naye bamukutte ku by’okufera ssente

Pak2 220x290

Mike Mutebi ne Misagga bandibonerezebwa...

Mike Mutebi ne Misagga bandibonerezebwa

Web2 220x290

Ne mu kusoomoozebwa tewava ku Katonda...

Ne mu kusoomoozebwa tewava ku Katonda