TOP

SC Villa esazeeko abazannyi 4

By Hussein Bukenya

Added 26th December 2016

Abaagobeddwa kuliko; Mousa Ballo, enzaalwa y’e Ivory Coast, Omubrazil Franco Tiago ne Jerome Sina enzaalwa ya Rwanda.

Gendayo 703x422

Abamu ku bazannyi ba SC Villa

NGA waakayita ennaku bbiri nga Express efuumudde abazannyi 10 olw’omutindo ogw’ekibogwe, ne SC Villa egobye bana okuli ne kapiteeni waayo Mike Sserumaga n’abazannyi abagwira basatu.

Abaagobeddwa kuliko; Mousa Ballo, enzaalwa y’e Ivory Coast, Omubrazil Franco Tiago ne Jerome Sina enzaalwa ya Rwanda.

Sserumaga yeegatta ku Villa mu makkati ga sizoni ewedde bwe yali ava mu Lweza kyokka gye buvuddeko yavuddeyo n’ata akaka nga Villa bw’eterina ky’emwongeddeko okuggyako okumukonya.

Maneja wa ttiimu eno, Vally Mugwanya yategeezezza nti abazannyi bano baalemeddwa okulinnyisa omutindo kwe kusalawo obutazza ndagaano zaabwe buggya kuba zaabadde ziweddeko.

“Twakkaanyizza abazannyi bano tubawe omukisa okugenda awalala kubanga ffe tukizudde nti tebajja kutuyamba. Kituufu endagaano zaabwe zaabadde ziweddeko nga tulaba okubongera endala nga n’ezisoose tebalina kye batukoledde kiba kikyamu,” Mugwanya bwe yategeezezza.

Villa yaakubiri mu Azam Premier League n’obubonero 31 emabega wa KCCA ekulembedde ku 32.

More From The Author

Emboozi z’omuwandiisi endala

Emboozi endala

Lib2 220x290

Ab'omukago gwa IPOD bateekateeka...

Ab'omukago gwa IPOD bateekateeka kutwala ssabawolereza wa Gavumenti mu kkooti

Web 220x290

Nnaalongo akubye omwana wa muggya...

OMUKAZI atuze omwana wa muggya we n’amutta poliisi n’emutaasa ku batuuze nga baagala kumugajambula.

Kit2 220x290

Kitatta bamuggye e Makindye n'atwalibwa...

Kitatta bamuggye e Makindye n'atwalibwa e Luzira

Hip2 220x290

Olunaku lw'okuyonja akamwa lukuziddwa...

Olunaku lw'okuyonja akamwa lukuziddwa e Kayunga

Gat2 220x290

Abagambibwa okutigomya Matugga...

Abagambibwa okutigomya Matugga Poliisi ebakutte