TOP

Omuzimbi w'emifumbi amezze KCCA ku buzannyi bwa May

By Silvano Kibuuka

Added 5th June 2017

Omuzimbi w'emifumbi amezze KCCA ku buzannyi bwa May

Miv1 703x422

Bannamawulire abawandiika ag’emizannyo abeegattira mu kibiina kya Uganda Sports Press Association (USPA) balonze bannabyamizannyo bataano abazze banywa mu bannaabwe akendo okuviira ddala mu mwezi gwa January nga babalonze mu lutuula lumu olubadde ku Imperial Royale Hotel mu Kampala.

Mu kulonda kuno abazannyi basatu bayiseemu nga tebavuganyiziddwa nga kwe kuli kiraabu ya Basketball eya City Oilers eyakuba Betway Power ku mizannyo 4-1 okuwangula liigi y’eggwanga eya sizoni ya 2015/16 eyakomekerezeddwa mu January 2017.

Abalala abaayiseemu nga tebavuganyiziddwa ye muddusi omuto Jackob Kiplimo eyawenyuka e Kololo mu misinde gy’ensi yonna egya ‘World Cross Country’ ng’ono yawangula omudaali gwa Zaabu mu bali wansi w’emuaka 18 n’acamula ne Pulezidenti Yoweri Museveni wamu ne mukyalawe Janet Kataha Museveni abamu ku baalaba emisinde egyo.

Omuddusi omulala Robert Chemonges eyawangula emisinde gya Marathon e Girimaani mu mwezi gwa April naye alondeddwa nga tavuganyiziddwa ku mwezi ogwo.

Abalondeddwa mu kuvuganya ne ye kiraabu y’ebikonde eya KCCA ewangudde omuvuzi wa mmotoka z’empaka Omar Mayanja ne Hussein Mukuye amusomera maapu ku bululu 480 ku 430 n’etwala omwezi gwa February.

Omwezi gwa May gwe gusinzeemu okuvuganya ng’omuzimbi w’akanyama Andrew Sennoga awangudde kiraabu ya KCCA ku bululu 365 ku 360 olwo abasambi b’omupiira mu Jinja SSS ababadde bavuganya olw’okuwangula empaka za Copper Coca Cola eza 2017 ne bakwata kyakusatu ku bululu 340.

KCCA FC ebadde evuganya lwa kuwangula liigi ya Azam Super League ate nga Sennoga yawangudde empaka za Germany Natural Body Building Championships nga May 21.

Pulezidenti wa USPA Sabiiti Muwanga ategeezezza nti entuula za USPA – Nile Special zaakutulanga buli mwezi okulonda omuzannyi w’omwezi oguyise ate abawanguzi ba bekolerwa akabaga buli luvannyuma lwa myezi esatu.

Muwanga era akwasizza bannamawulire abeetaba mu musomo gw’omuzannyo gwa Badminton satifikeeti.

More From The Author

Emboozi z’omuwandiisi endala

Emboozi endala

Bi 220x290

Bebe Cool agenze mu Amerika kusakira...

Bebe Cool agenze mu lukung’ana lw’ekibiina ky’amawanga amagatte (UN) kusakira balwadde bakafuba ssente za bujjanjabi....

Abasuubuzingabalimukatalekakirekamainmarketwebusebig 220x290

Mutuzimbire akatale akali ku mutindo...

Akatale ka myaka 90 wabula tekalina mifulejje wadde bakasitoma we bayita.

Kyotera1 220x290

Abazadde balumbye essomero lw'abaana...

POLIISI e Kyotera eggalidde dayirekita w’essomero lya Kyotera Infant Pri.Sch, ne Heedimasita w’essomero lino ng...

Mulironnyumba2 220x290

Omuliro gw'okyezza enju y'omusawo...

NABBAMBULA w’omuliro asaanyizzaawo amaka g’omusawo ebintu bya bukadde ne bitokomoka okubadde n’emmotokka.

Preg1webuse 220x290

Nkole ntya okwewala omwenge kuba...

Olubuto lunjoyesa omwenge naye mmanyi gwa bulabe eriomwana ali munda. Nkole ntya okugwewala?